Tiri kupona pamukuvo wo kupejisira wo “njiku jokupejisira,” tinozviziva kuti zviro zviri kuramba zvecishatisisa. (2 Tim. 3:1; nwtsty vonanyi masoko okujija ari pana Mt. 24:8 mu Shanduro yeNyika Itsva) Kudari kukaitika ngozi, Jehovha anotipa ndhungamiriro pamukuvo kwawo, asi tinodikana kunasirira. Kuteveja ndhungamiriro ja Jehovha no kujizwira wari uno, zvinozoponesa upenyu hwedu kumbejiyo.—Lc. 16:10.

• Jinasirirenyi ku divi ro umwari: Ivanyi no cirovejeso co kujija Soko ra Mwari. Ejanyi kucumaera ngo njira jakasiyana. Mucathya maningi kudari mukatama kubhuya no hama ko mukuvo wakati kuti. (Is. 30:15, Shanduro yeNyika Itsva) Azvinenyi no zviri kuitika, imwimwi amuripi ndhambo na Jehovha pamwepo na Jesu.—od-CA 176 ¶15-17

• Jinasirirenyi kudivi ro kunyama: Mundhu umwe nga umwe anodikana kuva no pasta yo zviro zvinodika ngo kukasika. Kusiyapo izvo zvakanaka maningi kuti mbhuri jese jivige zvokuha, kumwa, mutombo no zvimweni zvingadikana. Izvo zvinozomubesera kudari mukavhunjwa kuti amuvhiri kubuda pamuzi ko mukuvo wakati kuti.—Mazwi 22:3; g17-CA 5 4, 6

VONANYI VHIDHIYO INOTI MUNGANASIRIRA KUDINI KUITIRA NGOZI JINOITIKA JEGA? PERAPO DAVIRANYI MUVHUNJO JINOTEVERA:

• Tingajinasirira kudini munjira yo kumujimu kuitira ngozi jinoitika jega?

• Ngenyi tinodikana . . . 

  • kuenderera mberi tecibhuya no vakuru mukuvo wese?

  • kuva no pasta ino zvinodiwa ngo kukasika?

  • kuziva ngozi jinoitika jega no kurangarira zvatinodikana kuita pa ngozi imwe nga imwe?

• Injira japi ndhatu jatingabesera ndijona vawihwa ngo ngozi?

ZVIVHUNJISENYI KUDARI, ‘Zvicinyi zvandingajija ngo pamusoro po kuva ndakanasiririka ngo mutungu uu wo COVID-19?’