ZVISHANDISENYI MU BASA RO MU MUNDA | ENGEJERANYI MUDAKARO WENYU MU BASA ROKUCUMAERA
Beseranyi Vajiji Venyu Kuti Vawane Masoko Anovabesera kuti Vakhwedere Phedo na Jehovha
Ngo zvokadi kuti imwimwi munoda kuti mujiji wenyu aenderere mberi mu zvoumwari i ushamwari hwake na Jehovha uvange. Asi kuti izvi zviitike, mujiji wenyu aadikani basi kujija panjiku yamunongaro mecijija naye. (Mt. 5:3; Vah 5:12–6:2) Iyena anodikana kujijira kupsakisisa no kujija ega zviro zvo umwari.
Kuvhira pamunotanga kujija naye, jijisanyi mujiji wenyu manera okunasirira, i muvhunjenyi kuti ngenyi kunasirira kunosisira maningi. (mwb18.03 6) Kusiyapo izvo, vangisanyi mujiji wenyu kuti aite mukumbiro nguva jese acito atanga kuita jijo yo mundhu ega. Mungamuvonesa manera aangashandisa jw.org no aprikativho kuti awane masoko mapsa no JW Broadcasting®. Padoko ngo padoko jijisanyi mujiji wenyu kuti averenge Bhaibheri njiku jese, kunasirira kuitira musongano no kupsakisisa ega kudari akava no muvhunjo. Beseranyi mujiji wenyu kuti arangarijisise ngo zviro zvaari kujija.
VONANYI VHIDHIYO INOTI BESERANYI VAJIJI VENYU KUTI VAZIVE MANERA OVANGAWANA MASOKO ANOVABESERA KUTI VAVE PHEDO NA JEHOVHA, PERAPO DAVIRANYI MUVHUNJO JINOTEVERA:
-
Rita wakabesera kudini Jadhi avone kuti kujija kunosisira maningi kupinda kuwana mupinguro?
-
Ngo zvapi zvakabesera Jadhi kuti akhohwe kuti Jehovha ari kunanga zvokadi paanorambisa zvo uhure?
-
Jijisanyi mujiji wenyu kuti ngenyi zvinosisira kujija no kushandisa zvaanojijaro
Jadhi wakazwisisenyi paakarangarijisisa?
