Hambzaji jo Cikristu jinoita zvizinji mu basa ro Umambo. (Ndu. 68:12) Ivona vanoitisa jijo jo Bhaibheri jakawanda maningi. Inga muezaniso, pa mapiona o nguva jese, vazinji vakona i hambzaji. Kusiyapo izvo, zviuru no zviuru zvo hambzaji jiri kushanda ngo mwoyo wese inga mabheterita, mamisionario, vazvipiri vo basa ro kuvaka no vasanduji. Hambzaji jakaivha mu mujimu jinovangisa mbhuri javo pamwepo no ungano. (Mazwi 14:1) Pikija kuti hambzaji ajishandi inga vakuru vo ungano kana vabeseri vo ungano, ivona vangavavo no zvavangaita mu ungano. Kudari imwimwi muri hambzaji, ngo api manera amweni amungaita kuti muite zvizinji kuna Jehovha?

• Ejanyi kuitisa nane mugariro jenyu jo umwari.—1 Tim. 3:11; 1 Ped. 3:3-6

• Beseranyi hambzaji jimweni muungano menyumo jicina uzivi hwakawanda. —Tit 2:3-5

• Ejanyi kuitisa nane mu basa renyu rokucumaera no kuengejera nguva yamunopeja mecicumaera

• Jijiranyi ndumi imweni

• Shandanyi ku ndau inodiwa maningi vacumaeri

• Taranyi petisau yo kwenda kubheteri kana yo kwenda kobesera basa rokuvaka

• Taranyi petisau yo kwenda ku Cikora co Vavhangeri vo Umambo

VONANYI VHIDHIYO INOTI “VANAKAJI VANOSHANDA NGO SIMBA MU BASA RA MAMBO,” PERAPO DAVIRANYI MUVHUNJO UNOTEVERA:

• Muezaniso jo hambzaji iji jinotivangisa kudini?