1, 2. Ngenyi nguva jese zvakanaka kuita mubvunjo?

MAKAMBOVONA mabvunjisire o mwana mudoko here? Vazinji vanotanga kuita mubvunjo pavanondojijira kuvereketa. Ivona vanosotesesa, vecivetera mupinguro voita mubvunjo jakadari inga iji: Ngenyi gore rakaita bhurumu? Ndhondho jakaitwa ngenyi? Ndiani wakajijisa shiri kuimba? Mungatoeja kupingura, asi azvindovi zvakareruka. Pikija mupinguro wenyu uve wakanaka zvakadini, iwona ungatomuita kuti abvunjise kuti: Ngenyi?

² Asipi vana vadoko basi vanoita mubvunjo. Patinonga tecikura, tinoenderera mberi tecindoita mubvunjo. Tinozviita kuitira kuti tizive gwanja redu, kuti tizive ngozi jatinodikana kutiza, kana kuti tigutise cidaka-daka cedu co kuda kuziva. Asi zvinovoneka inga kuti vandhu vazinji vanoregera kuita mubvunjo, maningi-ningi mubvunjo jinosisiraya. Ivona vanotoregera kupsaka mupinguro.

3. Ngenyi vazinji vanoregera kueja kupsaka mupinguro jo mubvunjo jinosisira maningi?

³ Rangariranyi ngo pamusoro po mubvunjo uri pa kapa yo bhuku  iri, mubvunjo jinoitwa pamatangiro, kana jiani jiri panotangira cipauko cino. Iji ngo jimwe jo mubvunjo jinosisira maningi jamungaita. Asi, vandhu vazinji vari kuregera kueja kupsaka mupinguro. Ngenyi? Bhaibheri rino mupinguro here? Vamweni vanovona kuti mupinguro jaro jinonesa maningi kuzwisisa. Vamweni vanothya kunyoejeka kana kuti kupseruka ngo kuita mubvunjo iji. Zve vanosunga kuti zvakanaka kusiira mubvunjo iji kuno vatungamiriri no vafundisi vo zviara. Imwimwivo keni?

4, 5. Ngo japi mubvunjo jimweni jinosisira maningi jatingaita mu upenyu zve ngenyi itusu tinodikana kujipsakira mupinguro pacedu?

⁴ Imwimwivo mungatodavo kuwana mupinguro jo mubvunjo jinosisira maningi muupenyu. Pacina kukakanija nguva jimweni imwimwi mungabvunjisa kudari: ‘Ngo capi cinangwa co upenyu? Cinangwa co upenyu ngo co kubahwa, kukura kakupejisira ngo kufa here? Mwari wakadini?’ Zvakanaka kuita mubvunjo iji zve zvinosisira maningi kutama kuramwa mbhera pamunozowana mupinguro jinodakajisa no kugondeka. Jesu Kristu, mujijisi anonasa kuzivika wakati: “Kumbiranyi, munozopuwa. Psakanyi, munozowana. Gugujiranyi munozobeurihwa.”—Mateu 7:7.

⁵ Kudari mukaramba ‘mecipsaka’ mupinguro jo mubvunjo jinosisira maningi, imwimwi munozovona kuti kupsakisira kwenyu kunozoviisa mupfupo. (Mazwi Akangwara 2:1-5) Azvinenyi kuti zvicinyi zvingamubvunja vandhu vamweni, mupinguro jiriyo zve imwimwi mungajiwana—mu Bhaibheri. Ijona ajinesi maningi kuzwisisa. Kusiapo izvi, ijona jinoviisa vetero no mudakaro. Zve ijona jingamubesera kuva no mararamiro anodakajisa wari uno kamare. Kuti titange, ngatende tivone mubvunjo jiri kunesa vandhu vazinji.

6. Ngenyi vandhu vazinji pavanotambujika vanorangarira kuti Mwari aana haraka nesu?

⁶ Vandhu vazinji vanorangarira kuti mupinguro wo mubvunjo uwu ngo wokuti hina. Ivona vanorangarira kuti: ‘Kudari  Mwari ano haraka, nyika aicaizovepi ndau yakasiana no zvairiwari here?’ Tikasota mudenderejwa ro nyika tinovona kuti mwakazara ngo hondo, uzondi pomwe no utami. Zve umwe nga umwe wedu, tinohwaja, tinotambujika, tinotamikihwa ngo votinoda. Ngo kudaro, vazinji vanoti: ‘Kudari Mwari ecineseka ngo pamusoro po zvineso zvedu, iyena aacaizojivirirepi kuti zviro izvi zvitame kuitika here?’

7. (a) Vafundisi vo zviara vanoitisa kudini kuti vandhu varangarire kuti Mwari wakaoma mwoyo? (b) Bhaibheri rinojijisenyi kamare ngo pamusoro po muejo jingatitambuja?

⁷ Zvinonyanyisazve ngo zvokuti vafundisi vo zviara nguva jimweni vanoitisa kuti vandhu varangirire kuti Mwari wakaoma mwoyo. Vanoitisa kudini? Panoitika ngozi, ivona vanonanga kuti i kuda ka Mwari. Ngo kudaro, ivona vanopa ndava Mwari ngo zviro zvakashata zvinoitika. Ico ndicona cokwadi ngo pamusoro pa Mwari here? Bhaibheri rinojijisenyi kamare?Jakobo 1:13 inopingura kudari: “Ndiani anoejwa acadonanga kuti: ‘Mwari wakandieja.’ Ngokuti Mwari aaejwi ngo uxaixi no kuti kueja mundhu ari wese.” Ngo kudaro Mwari narini asipi iyena cinyuke co ushati wamuri kuvona mu nyika yakamutendeneja. (Verenganyi Jobe 34:10-12.) Ngo zvokadi kuti, iyena anotendera kuti zviro zvakashata zviitike. Asi kuno musiano mukuru kuno kutendera kuti ciri cese ciitike no kuciitisa.

8, 9. (a) Muezaniso wapi wamungaita wo kusiana ko kutendera kuti ushati uvepo no kuitisa? (b) Ngenyi azvicaizovepi no shwiro kuti itusu tipe ndava Mwari ngo cisungo cake co kutendera kuti vandhu vatevere gwanja rakashata?

⁸ Inga muezaniso, rangariranyi ngo pamusoro pa baba vano ungwaru no rudo, vano mwana wavo wakura anorarama no vabari. Mwana uwu akapanduka wobuda pamuzi, baba avamurambisi. Mwana uwu wofamba mu gwanja rakashata mu upenyu wowira mu zvineso. Baba ndivona muitisi wo zvineso zvo mwana here? Haiwa. (Luka 15:11-13) Mukuezana, Mwari aazivi kurambisa vandhu pavakakheta kufamba mu gwanja rakashata, asi iyena andiepi muitisi wo zvineso zvinoitika. Zvokadi kamare, azvicaizova no shwiro kupa ndava Mwari ngo ndava yo zvineso zvese zvo vandhu.

 ⁹ Mwari anao kamare mathangwe o kuti asie kuti vandhu vatevere gwanja rakashata. Inga Musiki ano simba no uzivi, iyena aavangirijwi kuti atisanangurire mathangwe akona. Asi, ngo ndava yo rudo, iyena anozviita. Imwimwi mucazojijira zvizinji ngo pamusoro po mathangwe akona mu Cipauko 11. Asi ivanyi no gwinyiso ro kuti Mwari asipi muitisi wo zvineso zvatinosongana nazvo. Mukusiana, iyena anotipa vetero imwe basi yo kupeja zvineso izvi!—Isaia 33:2.

10. Ngenyi tingathemba kuti Mwari anozopeja zvese zvinoviiswa ngo ushati?

¹⁰ Zvimwenizve, Mwari mucena. (Isaia 6:3) Izwi zvinoreva kuti iyena wakacena.Iyena aana ciri cese cakashata. Tingamuthemba kamare. Izvi atingazviiti kuno vandhu vokuti nguva jimweni vanoguma pa kuva vacikathembeki. Pikija mundhu wiani ari mutongi wo vandhu anothembeka maningi kazinji aana simba rokupeja ngozi jinoitwa ngo vandhu vakashata. Asi Mwari ano simba rese. Iyena angakwanisa zve anozopeja zvese zvinoviiswa ngo ushati kuno vandhu. Mwari paanozozviita, iyena anozozviita mu njira yokupeja ushati mbhera narini!—Verenganyi Nduyo 37:9-11.

11. (a) Mwari anozwa kudini ngo kutamika ko ururami? (b) Mwari anozwa kudini ngo kutambujika kwenyu?

¹¹ Ngo divi rimweni, Mwari anozwa kudini ngo pamusoro po zviri kuitikari mu nyika no mu upenyu hwenyu kamare? Bhaibheri rinojijisa kuti Mwari “anodisisa bzakarurama.” (Nduyo 37:28) Iyena anopsaswa maningi ngo zvakanaka no zvakashata. Iyena anozonda mushovo wese wo zvakashata. Bhaibheri rinonanga kuti Mwari ‘wakaita bundu mu mwoyo make’ushati pawakazara mu nyika munguva yo kare. (Genesi 6:5, 6)Mwari aazivi kucinja.(Malakia 3:6) Iyena acandozonda kuvona matambujiko ari kuitikari munyika. Zve Mwari anozonda kuvona vandhu vecitambujika. Bhaibheri rinonanga kuti: “Iyena anozomukorondha.”—Verenganyi 1 Pedru 5:7.

12, 13. (a) Ngenyi itusu tino mugariro jakanaka jakadari inga rudo, zve rudo unopsasa kudini mavonero atinoita nyika? (b) Ngenyi mungava no gwinyiso rokuti Mwari zvokadi anozoita ciri cese ngo pamusoro po zvineso?

 ¹² Tingava kudini no gwinyiso ro kuti Mwari anozonda kuvona matambujiko? Kuno ucapupu umwenizve. Bhaibheri rinojijisa kuti mundhu wakaitwa ngo muezaniso wa Mwari. (Genesi 1:26) Ngo kudaro itusu tino mugariro jakanaka ngo kuti Mwari anajo. Inga muezaniso, imwimwi azvimuhwaji kuvona vandhu vacina ndava vecitambujika here? Kudari imwimwi mecineseka ngo kutama kururama kondhoko, ivanyi no gwinyiso ro kuti Mwari anoneseka maningi kamare ngo matambujiko ondhowo.

¹³ Cimwe co zviro zvakanakisisa maningi zvino vandhu ngo cokukwanisa kukhombija rudo. Izvo zvinokhombijavo mugariro wa Mwari. Bhaibheri rinojijisa kuti “Mwari, rudo.” (1 Johani 4:8) Itusu tino rudo ngo kuti Mwari ano rudo. Rudo aucaizomuitepi kuti mupeje matambujiko zve no kutama kururama kwamunovonari munyika here? Kudari mwainga no simba rokuita zvondhozvo, amucaizoizviitepi here? Zvokadi maizozviita! Mukuezanavo imwimwi mungava no cokwadi cokuti Mwari anozopeja matambujiko no kutamika ko ururami kwese. Zvigondiso zvanangwa pa matangiro po bhuku iri, asipi kurotavo hako kana kuti vetero iciko. Zvigondiso zva Mwari zvinokwanirisikadi kamare! Kuti mugonde zvigondiso izvi, imwimwi munodikana kuziva zvizinji ngo pamusoro pa Mwari wakazviitaro.

14. Ngorapi zina ra Mwari, zve ngenyi tinodikana kurishandisa?

¹⁴ Kudari mecida kuti ari wese amuzive, cicinyi camungaita? Amucaizomubvunjepi  zina renyu here? Waro Mwari ano zina here? Zviara zvizinji zvinopingura kuti zina rake ndi “Mwari” kana kuti “Tenji,” asi aya asipi mazina kamare. Aya mazina o kureremeja akadari inga okuti “mambo” kana kuti “mutungamiriri.” Bhaibheri rinojijisa kuti Mwari ano mazina mazinji o kureremeja. “Mwari” na “Tenji” anobatanijwavo pakati po mazina aya. Kaveta, Bhaibheri rinojijisavo kuti Mwari ano zina rake kamare rinozwi Jehovha: Nduyo 83:18 inoti “ndimwi basi [“Jehovha”, BMAA] Mwari, Mukuru-kuru panyezuru po nyika yese.” Kudari Bhaibheri renyu ricina zina iri, vonanyi pa musoro wo Masoko o Kuengejera unoti: “Zina ra Mwari—Kushandiswa Kwaro no Zvarinovera” wo bhuku iri kuti mujije zvakaitisaro kuti ritame kuvemo. Zvokadi ngo zvokuti zina ra Mwari rinowanika mu ndau jinokwana zviuru no zviuru mu matahwa o kutanga  o Bhaibheri. Ngokudaro Jehovha anoda kuti muzive zina rake zve murishandise. Munjira imweni, iyena ari kushandisa Bhaibheri kuti imwimwi mumuzive.

15. Zina ra Jehovha rinorevenyi?

¹⁵ Mwari wakazvidura zina rake rakazara ngo revo. Zina rake, Jehovha, rinoreva kuti Mwari angakwanirisa cigondiso ciri cese caanoita zve oita cidisiso ciri cese caanonga ecirangarira. * Zina ra Mwari ariezaniswi no rimweni. Hina, ndirona rega. Ngo rake basi. Munjira zinji, Jehovha ndiyena ega basi. Kuitisa kudini?

16, 17. Tingajijenyi ngo pamusoro pa Jehovha kubvira ku mazina aya okureremeja: (a) “Mukuru-kuru”? (b) ‘Mambo wo kucingaperi’? (c) “Marure”?

¹⁶ Tavona kuti Nduyo 83:18 yananga ngo pamusoro pa Jehovha: “Ndimwi basi . . . Mukuru-kuru.” Mukuezana, Jehovha basi anonangihwa inga ‘wo masimba ese.’ Apokalipsi 15:3,  inoti: “Mabasa enyu makuru no okuxamisa, [Jehovha], mambo wo [“masimba ese,” NM]. Makwanja enyu akarungama no okadi, Mambo wo [“kucingaperi,” NM]”. Zina ro kureremeja ro kuti “Mambo wo Masimba ese” rinotijijisa kuti Jehovha ndiyena ano simba rakakura maningi. Simba rake ariezaniswi, rakakurisisa. Zina ro kureremeja ro kuti “Mambo wo kucingaperi” rinoticeukija kuti Jehovha ndiyena ega ngo njira imweni. Ndiyena ega basi acina paakatangira. Nduyo 90:2 inoti: “Kubvira kare, mbhera narini ndimwi Mwari.” Murangariro uwu unokahamaja, andizvopi?

¹⁷ Zve Jehovha ndiena ega basi munjira yokuti akuna Marure umwenizve. Apokalipsi 4:11 inoti: “[Jehovha], Mwari wedu, ndimwi munonakira kuaxira goja, nderemejo no simba; ngokuti makarura bzese. Bzakaruhwa, ngo kuda kwenyu bziriyo, bzorarama.” Zvese zvamungarangarira—kubvira zvisikwa zvo kumujimu zvicikavoneki mu gore, ndhondho jinozara mugore, mucero jinobahwa mu mamiti, hove jiri mu jombe no mumurambo—zvese zvirio ngo kuti Jehovha ndiena Marure!

18. Ngenyi vandhu vamweni vanovona kuti avangakwanisi kukhwera phedo na Mwari, asi Bhaibheri rinotijijisenyi?

¹⁸ Kujija ngo pamusoro po mugariro jinokahamaja ja Jehovha jinoitisa kuti vandhu vamweni vathye padoko. Ivona vanothya kuti iyena mukuru maningi zvokuti azvicaizoitikepi kukhwedera phedo na Mwari wakakhwirira kudaro. Asi murangariro uwo wakanaka here? Bhaibheri rinojijisa zvakasiana kamare. Irona rinonanga kudari ngo pamusoro pa Jehovha: “Mbzakadi yena aaripi ndhambo na ariwese wedu.” (Maitiro o Vapostori 17:27) Bhaibheri rinotikonokeja kuti: “Khwederanyi kuna Mwari, Yena anozomukhwedereravo.”—Jakobo 4:8.

19. (a) Tingatangisa kudini kuguma phedo na Mwari, zve no besero rapi? (b) Mugariro japi ja Mwari jamunoemurira maningi?

¹⁹ Mungakhwederesa kudini phedo na Mwari? Cokutanga rambanyi meciita zvamuri kuitari wari—kujija ngo pamusoro pa Mwari. Jesu wakananga kuti: “Uhomi hucingaperi nga uhu: kuti vamuzive imwimwi, Mwari umwe ega wokadi-kadi,  na wiya wakatumwa ndimwi: Jesu Kristu.” (Johani 17:3) Hina, Bhaibheri rinojijisa kuti kujija ngo pamusoro pa Jehovha na Jesu zvinoviisa “upenyu hucingaperi”! Inga zvatavona, “Mwari, rudo.” (1 Johani 4:16) Jehovha ano mugariro jimwenizve jakadakaja zve jinoemuja. Inga muezaniso, Bhaibheri rinonanga kuti: “Mwari anounyaxa no usizi, anononoka kuceneka, wakazara ngo rudo no ugondeki.” (Exodo 34:6) Iyena “wakanaka, anokungurira.” (Nduyo 86:5) Mwari anosengerera. (2 Pedru 3:9) Iyena wakagondeka. (Nduyo 145:17) Pamunonga meciverenga Bhaibheri, imwimwi munozovona kuti Jehovha anokhombija kudini mugariro iyowaro pomwe no jimweni jinoemuja.

20-22. (a) Kutama kwedu kukwanisa kuvona Mwari kunotijivirira kuti titame kumuziva here? Sananguranyi. (b) Vandhu vamweni vanorangarira kuti vari kuita zvakanaka vangamukurumijira kuitenyi, asi zvicinyi zvamunodikana kuita?

²⁰ Zvokadi, itusu atingavoni Mwari ngo kuti iyena i mujimu ucikavoneki. (Johani 1:18; 4:24; 1 Timoti 1:17) Asi, ngo kujijira ngo pamusoro pake kubvira mu mapheji o Bhaibheri, imwimwi mungaguma pakumuziva inga mundhu. Inga zvakananga muimbi wo nduyo, mungazoguma pa kuvona “kunaka kwa [Jehovha].” (Nduyo 27:4; VaRoma 1:20) Pamunoenderera mberi mecijija ngo pamusoro pa Jehovha, munozoendereravo mberi mecimuvona kuva wokadi, zve munozovavo no mathangwe mazinji okumuda no kujizwa kuva phedo naye.

²¹ Imwimwi munozoguma pakuzwisisa kuti ngenyi Bhaibheri rinojijisa kuti tinodikana kuvona Jehovha inga Baba wedu. (Mateu 6:9) Iyena aazivi basi kutipa upenyu asi anodavo kuti tirarame zvakanaka kamare—kudari inga zvinodiwa ndi baba vakanaka kuno vana vavo. (Nduyo 36:10) Bhaibheri rinojijisavo kuti vandhu vangaguma pa kuva shamwari ja Jehovha. (Jakobo 2:24) Vonanyi basi—imwimwi mungaguma pa kuva shamwari ya Marure wo mugore no pasi!

²² PamunongamecijijazvizinjikubviramuBhaibheri, munozovona  kuti vamweni vanorangarira kuti vari kuita zvakanaka, vacazomukurumijira kuti muime kujija. Ivona kangaije vanothya kuti munozocinja zvitendwa zvenyu. Asi mucadosia kuti ari wese amuimise kuumba ushamwari unosisira maningi wamungava nao.

23, 24. (a) Ngenyi munodikana kuramba meciita mubvunjo ngo pamusoro po zvamuri kujijira? (b) Ngo yapi shwiro icabhuiwa pa cipauko cinotevera?

²³ Icokwadikuti,kucazovanozvimwenizvamucikazozwisisi pa kutanga. Zvingava zviro zvinoda kujidodokesa kukumbira besero, asi mucaregera kuzviita ngo ndava yo ciphingo ico. Jesu wakananga kuti zvaushoni kujidodokesa inga mwana mudoko. (Mateu 18:2-4) Inga zvatinoziva, mwana mudoko anoita mubvunjo jakawanda. Mwari anoda kuti muwane mupinguro. Bhaibheri rinosimbha vandhu vamweni vainga no cidisiso cokujija ngo pamusoro pa Mwari. Ivona vainasa kupsakisisa mu Matahwa kuti vave no gwinyiso ro kuti zvavaijija zvainga cokwadi.—Verenganyi Maitiro o Vapostori 17:11.

²⁴ Njira yakanakisisa yokujijira ndiona ngo pamusoro pa Jehovha ngo yokupopora Bhaibheri. Irona rakasiana kamare no bhuku riri rese. Mu njira yakadini? Cipauko cinotevera cicazobhuya ngo shwiro iyi.