CIJIJO 49
Mungaitisa Kudini Kuti Mbhuri Yenyu Idakare?—Divi 1
Vandhu vavha kucadha, vanoda kuti mudakaro wavakava nawo pa njiku yavakacadha ugare kwenda no kwenda. Zvondhozvo zvinokwanisika. Makristu akacadha kare, no kushandisa ndhungamiriro jo Bhaibheri, ivona vanozviziva kuti zvinokwanisika.
1. Bhaibheri rinonangenyi ngo pamusoro po majimwamuna?
Jehovha wakasana mwamuna kuti ave musoro wo mbhuri. (Verenganyi Vaefeso 5:23.) Jehovha anovetera kuti zvisungo zvo mwamuna zvibesere mbhuri yese. Bhaibheri rinovhunja kudari majimwamuna: “Endereranyi mberi mecida vakaji venyu.” (Vaefeso 5:25) Izvi zvinoda kurevenyi? Mwamuna anorudo anotaja ushoni mukaji wake, pamuzi no pambeji po vamweni. Iyena anomungwarira no kuita zvese zvaanokwanisa kuti ataje zvinodiwa zvake zvo kunyama no mazwiro. (1 Timoti 5:8) Cinosisira maningi pa zvese izvi, iyena anomubesera kuti akhwedere phedo na Jehovha. (Mateu 4:4) Inga muezaniso, iyena angaita mukumbiro no kuverenga Bhaibheri pamwepo no mukaji wake. Mwamuna anotaja mukaji wake ngo rudo, anovangisa ushamwari hwake na Jehovha.—Verenganyi 1 Pedhru 3:7.
2. Bhaibheri rinonangenyi ngo pamusoro po vakaji?
Soko ra Mwari Bhaibheri rinonanga kuti “mukaji ngaareremeje maningi mwamuna wake.” (Vaefeso 5:33) Iyena angazviitisa kudini zvondhozvo? Angaita izvi, ngo kureremeja mugariro jakanaka jo mwamunake no kuvangisira kwaanoita kuti amutaje pamwepo no vana. Iyena angakhombija nderemejo ngo kubesera zvisungo zvake, kubhuya naye ngo kunaka mwoyo kwese, pikija acikanamati Jehovha. Mukaji aadikanizve kuvereketa zvakashata ngo pamusoro po mwamunake kuno vandhu vamweni.
3. Mukaji no mwamuna vangavangisa kudini mucadho wavo?
Bhaibheri rinonanga kudari ngo pamusoro po vakacadha: “Vovaviri vanozoita nyama imwe.” (Mateu 19:5) Izvi zvinoreva kuti ivona vanodikana kuita zvese zvavanokwanisa kuti rudo hwavo hutame kutondhora. Ivona vangaita izvo ngo kupeja mukuvo vari vese, kubhuisana ngo njira yakanaka no yo rudo ngo pamusoro po murangariro javo no mazwiro avo. Ivona vanodisana maningi pamwepo no kudavo Jehovha. Vanongwarirazve maningi kuti vatame kusirira mundhu wavacizivi kurovorana naye.
NASANYI KUPSAKISISA
Vonanyi kuti ndhungamiriro jo Bhaibheri jingavangisa kudini mucadho wenyu.
4. Majimwamuna, idanyi vakaji venyu no kuvataja
Bhaibheri rinonanga kuti “majimwamuna anodikana kuda vakaji inga madire avanoita muviri wavo.” (Vaefeso 5:28, 29) Izvi zvinoda kurevenyi? Rijanyi VHIDHIYO, perapo bhuisananyi ngo muvhunjo unotevera.
-
Mu njira japi mwamuna angakhombija kuti anoda no kutaja mukaji wake?
Verenganyi Vakorose 3:12, perapo bhuisananyi ngo muvhunjo unotevera:
-
Mwamuna angakhombijisa kudini mugariro iji?
5. Vanakaji, idanyi majimwamuna enyu no kuvareremeja
Bhaibheri rinovangisa mwanakaji kuti areremeje mwamuna wake pikija acikashandiri Jehovha. Verenganyi 1 Pedhru 3:1, 2, perapo bhuisananyi ngo muvhunjo jinotevera:
-
Kudari mwamuna wenyu acikashandiri Jehovha, ngo zvokadi kuti munoda kuti njiku imweni azogume pakumushandira. Waro zvicinyi zvaizomubesera kuti agume pakushandira Jehovha; kugara mecimucumaera nguva jese kana kuva mukaji ano rudo, wakanaka no anonderemejo? Ngenyi?
Mukaji no mwamuna vanoita zvisungo zvakanaka vari pamwepo. Asi, zvingaitazve kuti mukaji aaripi kuwirirana no zvasungwa ngo mwamunake. Zvakajeka kuti iyena anganangavo zvaanorangarira, asi ngo njira yakathiva no yonderemejo. Ecizivazve kuti Jehovha wakapa mwamuna muthwaro wokutema zvivaringo zvakanaka kuno mbhuri. Mwanakaji anodikana kuita zvese zvaanokwanisa kuti abesere zvisungo zvo mwamunake. Akaita kudaro, anonga eciita divi rake kuti mbhuri ive yakadakara. Verenganyi 1 Pedhru 3:3-5, perapo bhuisananyi ngo muvhunjo unotevera:
-
Jehovha anozwa kudini paanovona mwanakaji ecireremeja mwamuna wake?
6. Zvinokwanisika kunyisa zvineso pa mucadho
Akuna mucadho wakakwana. Ngo kudaro, varovorani kuti vakwanise kunyisa zvineso, zvinofira pakuvangisira kwavanoita. Rijanyi VHIDHIYO, perapo bhuisananyi ngo muvhunjo jinotevera.
-
Pa vhidhiyo, ngozvapi zvinokhombija kuti rudo hwo varovorani ava hwainga hwecipera?
-
Ngozvapi zvavakaita kuti vavangise mucadho wavo?
Verenganyi 1 Vakorinte 10:24 na Vakorose 3:13. Pa kupera kuverenga mavhesi aya, bhuisananyi ngo muvhunjo unotevera:
-
Ndhungamiriro iyi ingavangisa kudini mucadho?
Bhaibheri rinonanga kuti tinodikana kureremeja vamweni. Kureremeja kunobatanija kutaja mundhu ngo nderemejo. Verenganyi Varoma 12:10, perapo bhuisananyi ngo muvhunjo jinotevera:
-
Kureva kuti mwamuna kana mukaji anodikana kukhombija nderemejo kuno umweni kudari akareremejwa? Ngenyi munonanga kudaro?
VANDHU VAMWENI VANOTI: “Pa mucadho wangu zviro zvacinja maningi. Aticinazve ushamwari hwo phedo.”
-
Maizosanangurisa kudini kuti Bhaibheri rinobesera pa mugariro wakadari?
ZVOTAJIJA
Mukaji no mwamuna vangava vakadakara kudari vakadisana, kureremejana no kushandisa ndhungamiriro jo Bhaibheri.
Kuhwirijira
-
Mwamuna angabeseresa kudini kuti mucadho uve unodakajisa?
-
Mukaji angabeseresa kudini kuti mucadho uve unodakajisa?
-
Kudari makacadha, indhungamiriro japi jo Bhaibheri jingamubesera kuti muvangise mucadho wenyu?
ZIVANYI ZVIMWENI
Vonanyi mazano amweni angamubesera kuti muve no mbhuri yakadakara.
Vonanyi vhidhiyo yo mumbo inovonesa makomborero anovepo ngo kushandisa ndhungamiriro ja Mwari pa mucadho.
Vonanyi kuti zvinoda kurevenyi kureremeja mutoro wo mwamuna wokutungamirira mbhuri.
“Sei Vakadzi Vachifanira Kuzviisa Pasi Pemisoro Yavo?” (Murindiri, 15 wa Maio wo 2010, Cishona)
Vonanyi kuti kuitisa kudini ndhungamiriro jo Bhaibheri ngo pamusoro po mucadho jingabesera varovorani vanozvineso.
