Jehovha paakatisika wakatipa cipo cinoshamaisa maningi, cipo co kukwanisa kuvereketa. Kureva kuti zvinosisira kwaari manera atinoshandisa cipo ici? Hina kamare! (Verenganyi Jakobo 1:26.) Waro tingashandisa kudini cipo ici cokuvereketa kuti tidakajise Jehovha?

1. Tingashandisisa kudini cipo cedu co kuvereketa?

Bhaibheri rinonanga kuti “garanyi mecivangisana no kubesana ngocenyu.” (1 Vatesaronika 5:11) Munokwanisa kurangarira mundhu anoda kuvangiswa? Zvicinyi zvamungaita kuti mundhuwo ajizwe ushoni? Vhunjanyi mundhuwo kuti iyena anosisira kwamuri. Kangaije ngo kumusimba ngo mugariro jake jaushoni. Zvakadini kushandisa vhesi imwe yo Bhaibheri kuti mumuvangise? Kuno mavhesi akawanda o Bhaibheri, amungashandisa kuti muvangise mundhu wamunoziva. Ceujanyi kuti, zvamungavereketa zvingavangisa vandhu vamweni. Ngo kudaro, ejanyi kuvereketa ngo njira yokunaka mwoyo no yakathiva.—Mazwi Akangwara 15:1.

2. Mushovo wapi wo mavereketero atinodikana kubhasopa?

Bhaibheri rinoti: “Pa muromo penyu ngapatame kubuda gama rakaposeka.” (Verenganyi Vaefeso 4:29.) Izvo zvinoreva kuti, atidikani kushandisa magama akashata kana acikasisiri anokhugunya vamweni. Kusiyapo izvo, atidikani kuita magumbu kana magumba no kudhadhanisa manyepo ngo pamusoro po vamweni.—Verenganyi Mazwi Akangwara 16:28.

3. Ngozvapi zvingatibesera kuti tibhuye ngo njira inovangisa vamweni?

Kazinji zvatinovereketa zvinovonesa zviri mu mwoyo mwedu no mumurangariro. (Ruka 6:45) Ngo kudaro, tinodikana kuvangisira kuti tibhuye zviro zvakarurama, zvakacena, zvinodiwa no zvinokujwa. (Vafiripi 4:8) Kuti izvo zvikwanisike, zvinosisira maningi kunasa kusana ushoni mabungaijo edu no shamwari. (Mazwi Akangwara 13:20) Cimweni cingatibesera ngo cokurangarira ticito tavereketa. Ambanyi kurangarira kuti magama enyu, anozopsasisa kudini vamweni. Bhaibheri rinoti: “Variyo vano rurimi hunoceka inga banga; asi rurimi hwo Vazivi hunorapa.”—Mazwi Akangwara 12:18.

 NASANYI KUPSAKISISA

4. Bhasopanyi Zvamunovereketa

Nguva jimweni, tinonanga zviro zvaticikadi perapo tozozvidemba ndizvona. (Jakobo 3:2) Verenganyi Vagaratiya 5:22, 23, perapo bhuisananyi ngo muvhunjo iji:

• Pa mugariro iji, ngojapi jamaidakarira kukumbira Jehovha? Mugariro iji jingamubeseresa kudini?

Verenganyi 1 Vakorinte 15:33, perapo bhuisananyi ngo muvhunjo unotevera:

• Shamwari jedu no mabungaijo atinosana angapsasisa kudini mavereketero edu?

Verenganyi Mucumaeri 3:1, 7, perapo bhuisananyi ngo muvhunjo unotevera:

• Ngowapi waizova mukuvo wo kunyarara, toimira vhaza yo kuvereketa?

 5. Bhuyanyi zvakanaka ngo pamusoro po vamweni

6. Bhuyanyi no mbhuri yenyu ngo kunaka mwoyo

 ZVOTAJIJA

Zvatinobhuya zvinosimba. Ngo kudaro, tinodikana kuita ubhasopa ngo zvatinoda kubhuya, patinoda kubhuya, no manera atinobhuya.

Kuhwirijira

• Ngojapi njira jatingashandisa magama kuti tibesere vamweni?

• Mukhaindi wapi wo mavereketero atinodikana kubhasopa?

• Ngozvapi zvingatibesera kuti tive vakanaka mwoyo nguva jese no kuvangisa vamweni ngo zvatinovereketa?