MUKAI! Numero 2 2018 | 12 Zviro Zviri Kubesera Mbhuri Kuti Jidakare
12 Zviro Zviri Kubesera Mbhuri Kuti Jidakare
Nguva jese tinozwa kuti mbhuri jakawanda jiri kurambana. Asi ngozvapi zviri kubesera mbhuri jimweni kuti jidakare?
Kutangira mu gore ra 1990 mbhera 2015, mutengo wo vandhu vakarambana ku Estadhus Unidhus wakaengejeka maningi. Pa vandhu vano makore anopindirija 50 mutengo uwu wakapetwa kaviri kuveni ku vandhu vano makore anopindirija 65 mutengo uwu wakapetwa katatu.
Vabari avacazvizivi zvokuita: Vazivi vamweni vanonanga kuti vabari vanodikana kusimba vana vavo mukuvo wese. Kuveni vamweni vanonanga kuti vana vanodikana kupangihwa kamare.
Majaha ari kukura acina no zivo inozovabesera mu upenyu.
Pikija no zvineso zvese izvi, cokwadi ngo co kuti . . .
Mucadho ungakwanisa kugara uripo, vese vakadakara kamare.
Vabari vangakwanisa kupangira vana vavo ngo rudo.
Majaha angakwanisa kukura ano uzivi unozovabesera mu upenyu hwavo.
Izvi zvingakwanisika kudini? Mukai! uwu unozovonesa Zviro 12 Zviri kubesera Mbhuri Kuti Jidakare.
1: Cigondiso
Mazano matatu anobesera vakacadha kuti vaenderere mberi vari vese.
2: Kushanda Pamwepo
Kunanga kuti wamakarovorana naye wakadari inga mundhu wamunogara naye mu kwaratu yondhoyo basi?
3: Kureremajana
Psakanyi magama no zviro zvamunoziva kuti zvinozoita kuti mudoni wenyu ajizwe kuti anoreremejwa.
4: Kuregererana
Zvicinyi zvingamubesera kuti mutame kubatikana pa kutama kukwana ko mudoni wenyu?
5: Kubhuisana
Zviro zvitatu zvingamubesera kuti muve phedo no vana venyu.
6: Kupangira
Kunanga kuti kupangira kunoita kuti mwana atame kujida here?
7: Mugariro Jakanaka
Indhungamiriro japi jamunodikana kujijisa mwana wenyu?
8: Muezaniso
Kudari mecida kuti vana venyu vaite zvamunonanga, tanganyi ndimwi maita zvondhozvo.
9: Muri Mundhu wo Mushovonyi
Majaha no vasikane vangaitisa kuti vajivirire zvavanotenda?
10: Kuthembeka
Kuthembwa ngo vabari vako, kunosisira maningi kuti muve mundhu wakakura.
11: Kushanda ngo Simba
Vonanyi kuti kushanda ngo simba kungamubeseresa kudini kuti mubudirire mu upenyu hwenyu.
12: Kuva no Zvido
Kukwanirisa zvido zvenyu kungavangisa kujithemba kwenyu, kunovangisa ushamwari hwenyu no kuengejera mudakaro wenyu.
Mazano Akawanda Kuitira Kubesera Mbhuri
Mazano anowanika mu Bhaibheri angamubesera kuti muve no mucadho waushoni pomwe no mbhuri yakadakara.
