Imwimwi makamboverenga no kungwarira kwese Murindiri jo gore rino? Vonanyi dangani mungakwanisa kudavira muvhunjo jinotevera:

Jehovha wakagaja muezaniso wapi pa manera o kutaja vanakaji?

Jehovha aakheti, kana kudakarira maningi vanarume kusiyapo vanakaji. Jehovha anopurukira vanakaji no kuzwisisa mazwire avo no zvineso zvavo. Cimwenizve anovathemba kuti vaite basa rake.—Murindiri wa 01/24 pheji 15-16.

Tingashandisa kudini Vaefeso 5:7 iyo inoti: “Mucafamba pamwepo no vandhu avo”?

Mupostori Pauro wainga ecitivhunja kuti titame kushamwarijana no mundhu anotiita kuti titame kuzwira ndhungamiriro ja Jehovha. Ushamwari uwu unobatanija vaya vatinopeja navo nguva yakawanda, zvingabatanijavo vaya vatinopeja navo nguva yakawanda mu interneti.—Murindiri wa 03/24 pheji 22-23.

Tinodikana kujijivirira ku masoko api o kunyepa?

Tinodikana kungwarira shwiro jicizivi kupsakisiswa jinovha ku shamwari jino cinangwa caushoni, masoko aticizivi kukumbira atingaashira ngo mesajhi inovha ku vandhu vaticikazivi, no masoko o vapanduki.—Murindiri wa 04/24 pheji 12.

Ngozvapi zvatinoziva no zvaticikazivi ngo manera Jehovha anozotonga Mambo Soromona kubatanija vaya vakafira Musodhoma, Gomora no pa Ndambi?

Atina cokwadi kuti Jehovha wakavaparaja mbhera narini. Asi tinoziva kuti iyena anoziva zvese zvinobatanijwa cimwenizve ano unyasha.—Murindiri wa 05/24 pheji 3-4.

Mwari ngokuva kwake “Buwe” zvinotithembesenyi? (Dhotoronome 32:4)

Tingatizira kuna Jehovha. Iyena anothembeka cimwenizve anokwanirisa zvigondiso zvake. Iyena aripo, cimwenizve anoramba ano undhu hwondhohwo no kukwanirisa zvigondiso zvake.—Murindiri wa 06/24 pheji 26-28.

Zvicinyi zvingamubesera kuti murovejane no ungano imbza?

Thembanyi Jehovha kuti anozomubesera inga manera aakabesera vashandiri vake mu nguva jo kare. Mucadoezanisa ungano yamuriwaro no ungano yamakavha. Batananyi no ungano imbza no kuvangisira kuti muve no shamwari imbza.—Murindiri wa 07/24 pheji 26-28.

Zvijijo zvapi zvitatu zvinowanika pa muezaniso jinonangwa pana Mateu cipauko 25?

Muezaniso jo mavhuta no mbuji jinotivangisa kuti tinodikana kuva takagondeka. Muezaniso wo mbhandwe jakangwara no jiri marethe jinotijijisa kuti tinodikana kugara takanasirira no kurinda. Muezaniso wo matarenta unotijijisa kusisira ko kushanda ngo simba no kuvangisira.—Murindiri wa 09/24 pheji 20-24.

Rairebesa kudini berere ro themberi ya Soromona?

Pa bhuku ro 2 Kronika 3:4 panovonesa kuti zviro zvimweni zvakatahwa kare zvakananga “120 o makovhado,” zvoita kuti vharanda rive no 53 o mametro (kana 175 jo soka) jo kureba. Kuveni mavhesi amweni a wari anonanga “20 o makovhadho,” zvoita kuti vharanda rive rakareba mametro mapfumbamwe (kana 30 jo soka) jo kureba. Divi iri ro kupejisira rinozwirana no kureba ko berere ro themberi.—Murindiri wa 10/24 pheji 31.

Magama okuti mubeseri wo ungano ‘ngaave mwamuna ano mukaji umwe basi’ anoda kurevenyi? (1 Timoti 3:12)

Izvi zvinoreva kuti iyena anodikana kuva no mukaji umwe basi, cimwenizve aadikani kuita uhure. Kunja kwa izvi adikani kuda vanakaji vamweni.—Murindiri wa 11/24 pheji 19.

Ngenyi tingananga kuti zvakatahwa pana Johani 6:53 azvicaingepi zvokuezanisira pa Cirariro ca Mambo?

Johani 6:53 inobhuya ngo kusisira ko kuha muviri no kumwa ngazi yake. Jesu wakabhuya masoko aya muna 32 Kristu Aviya ku Garireya ku Vajudha vainga vacada kutenda. Pikija zvakadaro, Cirariro Camambo cakazotanga padarika gore rimwe mu Jerusarema. Pondhopo Jesu wakabhuya na vaya vaaizotonga navo ku kudenga.—Murindiri wa 12/24 pheji 10-11.