Bhaibheri rinotivangisa kuti tipekeje vamweni ngo kuzvipira zve tecindundihwa ngo zvaushoni. Irona rinonangazve kuti, kupekeja umweni ciro azvibeseri basi wiya anoashira asi zvinobeseravo wiya anonga apekeja. (Mazwi Akangwara 11:25; Ruka 6:38) Jesu wakati: Anodakara anopa, kupinda wiya anopuwa.”—Mabasa o Vapostori 20:35

•  Kukova kwapi kunodakajisa Mwari?

•  Kukova kwapi kucikadakajisi Mwari?

•  Vhesi jimweni ngo pamusoro pokukova

 Kukova kunobesera kudari kukaizwa ngo mwoyo wese. Bhaibheri rinoti: “Ngaape ariwese, ngo kuteveja mwoyo wake, aciripi ngo mwoyo wokudembatemba nokuti wokuvangirijwa; ngokuti Mwari anodisa wiya anopa akadakara.”—2 VaKorinte 9:7

 Kukova ngo mwoyo wese kunoita divi ro “ciara” cinotendehwa ndi Mwari. (Jakobo 1:27) Wiya anobesera vanotama ari kushandira pondhopo na Mwari, Iyena anovona ku kova kondhoko inga kumufiyarisi. (Mazwi Akangwara 19:17) Bhaibheri rinojijisa kuti Mwari anozohwirijira vaya vanokova.—Ruka 14:12-14.

 Kudari kukaizwa no cido co umbau. Inga muezaniso:

•   Kuda kuvoneka ngo vandhu.—Mateu 6:2.

•   Ngo kuda kuzohwirijihwa.—Ruka 14:12-14.

•   Kuti titenge ruponeso.—Nduyo 49:7, 8.

 Kudari tecida kubesera zviro zvicingadakajisi Mwari. Inga muezaniso, zvaizova zvakashata kupa mudhu mare kuti atambe cabutha no kubhema foha kana kuti atenge doro. (1 VaKorinte 6:9, 10; 2 VaKorinte 7:1) Zvaizova, zvakashata kupa munhu zviro anokwanisa kujisapota asi iyena anoramba kuzviita.—2 VaTesaronika 3:10.

 Kudari zvingaphingaija mutoro wedu watakapuhwa ndi Mwari. Bhabheri rinojijisa kuti musoro jo mbhuri jinodikana kusapota wopa mburi yavo. (1 Timoti 5:8) zvaizova zvakashata kuti musoro jo mbhuri vape zviro zvakawanda vamweni kupinda mbhuri yavo vosara vecitambujika. Jesus wakashora vaya vainga vacingabeseri majibaba avo vavasharuka vecinanga kuti zvese zvavanazvo ‘cipo cinova kuna Mwari’.—Marko 7:9-13, (BMAA)