Vandhu vazinji vanonanga kuti cipambhano ndicitatijo co Makristu. Pikija Zvapupu zva Jehovha ndi Makristu, izvona azvishandisi cipambhano pa kunamata. Ngenyi?

 Thangwe rimwe ngo ro kuti Bhaibheri rinonanga kuti Jesu aazivi kufa pa cipambhano, asi wakafa pa mutanda. Kusiyapo izvo, Bhaibheri rinonasa kujekesa kuti Makristu anodikana kutiza “kunamata zvithombi,” izvo zvinobatanijavo kutama kushandisa cipambhano pa kunamata.—1 Vakorinte 10:14; 1 Johani 5:21.

 Jesu wakati: “Mukaita kudaro, vese vanozoziva kuti imwimwi muri vajiji vangu: Kudari mukadisana ngo cenyu.” (Johani 13: 34, 35) Ngo magama aya, Jesu wakajijisa kuti kuda vamweni ndikona kwaizovonesa kuti tiri Makristu okadi kusiyapo kushandisa cipambhano kana zvithombi.