Wij ale bruuke rëgen wåter taum leewen. Åwer António Guterres, wat schef fone ONU is, hät sägt “dat dai lüür ümer mër wåter gastijre, wij daue wat slimes dårweegen doirsete”. Tau biljone lüür ine ganse wild is ni licht rëgen wåter häwe.

 Daue wij aine dag naug wåter tau ale häwe? Urer muite wij ümer oos mit knap wåter drëge?

Wat stäit ine Bijbel oiwer dat wåter?

 Ine Bijbel stäit dat dai problëm mit dem knape wåter alwart un dat wij ale rëgen wåter häwe daue.

 “Feel wåter wart uut dat sandland sprütse, un up dat eewend sandland wart wåter loope. Dai dröögstel wart air sump mit liss un dai ër åne wåter wart wåterkwele häwe.” (Isaías 35:6 un 7)

 Woweegen koine wij oos sicher sin dat dat wirklig passijre däit? Kijk wat dai Bijbel sägt oiwer wosoo as oos wild måkt woore is.

Wat hät God måkt dat ümer rëgen wåter wäir?

 ‘[God] hät dai Ër ni måkt taum går nischt, åwer hät dai måkt taum bewånen.’ (Isaías 45:18)

 “[God] trekt dai wåterdrupe ruper, dai klaine drupe fone damp kåme t’hoop un dai ware reegen, den dai wolke daue dat schüre oiwer dai lüür.” (Jó 36:27 un 28)

 “Ik dau juuch dat reegen in dai richtig tijd geewe. Jij daue fon dat land ernte un dai bööm in dat land daue sijn frucht dråge.” (Levítico 26:4)

 Dat Israelfolk, ine früüsche tijd, däir upm land arbëre un God hät tau eer forspråke dat hai eer ümer wåter geewe däir dat sai küüne plante un ernte. God wät dat wij koine gaud wat ernte, bruuke wij nauwe reegen ine richtige tijd.

 Dat wat God måkt hät tau dem Israelfolk, wart hai bald måke tau al dai lüür ine wild. (Isaías 30:23) Åwer solang as hai dat ni måke däit, dat wåter wart ümer knaper up feel stele ine wild. Dat dat wënig reegne däit, dat is bloos ain fon dai problems dat dat wåter knaper wart. Wat stäit nog mër ine Bijbel wat God måke däit dat naug wåter is?

Wosoo wart dat in’t raich bröcht dat dat wåter soo knap is?

 Ine Bijbel stäit dat God doir sijne Regirung, al dai problems upe wild almåke däit, sogår mit dem wåter. (Mateus 6:9 un 10) God sij Regirung is air regirung wat im himel is un wart oiwer dai gans Ër regijre. (Daniel 2:44 un Apocalipse 11:15) God sij Regirung däit uk ales uutrote wat mökt dat dat wåter knap wart. Kair mësch wat regijre däit kan dat måke, bloos God.

 Problem: Wat is ain fon dai daile dat dat wåter knap is? Dat dat weerer soo uute raich is, is dröögtijd, unweerer, groote reegen un dai së hööger stijge däit.

 Wosoo wart dat in’t raich bröcht? God sij Regirung wart dat weerer in’t raich bringe. God hät ine Bijbel sägt: “Sai! Ik måk al dai daile nijg.” (Apocalipse 21:5) Dat sandland wart den wåter häwe un feel plante ware dår wasse. (Isaías 41:17 bet 20) Dai köönig fon God sij Regirung, Jësus Kristus, däit werer dai daile in’t raich bringe wat uute raich sin.

 Problem: Dai lüür un dai fabriks daue dai flüss, dai dijks un sogår dat wåter in dai Ër drekig måke un dat mökt dat dat wåter knaper wart.

 Wosoo wart dat in’t raich bröcht? God wart rëgenmåke dai flüss, dai dijks, dai së un uk dai ër. Dai Ër wart air paradijs. Ine Bijbel stäit: “Dat sandland un dai dröög ër daue juuche un dai eewend dröög stel däit juuche un wart ful mit blaume.” (Isaías 35:1)

 Problem: Dai lüür daue up ain forkërd årt dat wåter benutse un daue mër rëgen wåter gastijre as is.

 Wosoo wart dat in’t raich bröcht? God sij Regirung däit sijne wile måke un ni wat dai lüür wile, wat groot oogen häwe. Ine Bijbel stäit dat God ‘sij wile wart upe Ër måkt’. (Mateus 6:9 un 10) God sij Regirung wart dat best dail inlëre tau dai lüür. Isaías 11:9 sägt: “Dai gans Ër wart ful mit Jehovaa sij kenen”. a Weegen dat wat God dai lüür inlëre däit un weegen dat lijb wat dai lüür up God häwe un up ales wat hai måkt hät, ware dai lüür oos fain wild un ales wat dår is gaud uppasse.

•    Taum mër waiten, lees der kapitel 33 fon dat bauk Leew up ümer lustig!, mit dai tem “Wat däit God sij Regirung bald måke?”.

•    Lees Isaías kapitel 35 taum waite wat God mökt dat dai Ër air paradijs wart.

•    Taum mër waiten oiwer dat wat God måke däit for dai Ër un for dai lüür, kijk der video “Woweegen hät God dai Ër måkt?”.