Kast duu wat gaures luure tau dai tijd wat nog kümt?
Däist duu wat gaures luure tau dai tijd foiruut? Feel lüür daue sich anstrenge taum denken dat dai daile beeter ware lijkerst mit dai problems. Åwer ware dai daile wirklig beeter? Jå! Dai Bijbel wijst wij koine oos sicher sin dat dai daile beeter ware.
Wat sägt dai Bijbel oiwer dai tijd wat nog kümt?
Ine Bijbel stäit oiwer dai eelends wat dai lüür hüütsendåg doirsete daue. Åwer stäit uk dat dës eelends ware ni lang duure. Kijk wat dai Bijbel wijst.
Problem: Lüür wat kair huus häwe
Ine Bijbel stäit: ‘Dai lüür daue hüüser buuge un daue dår in wåne.’ (Isaías 65:21)
Wosoo däit dat passijre? Jërer mësch däit sij aigen huus häwe.
Problem: Lüür wat kaine arbëd häwe un wat arme sin
Ine Bijbel stäit: “Mijn uutgesöchte daue gaud benutse der arbëd wat sai måke mit sijne häin.” (Isaías 65:22)
Wosoo däit dat passijre? Jërer mësch däit sijne arbëd häwe un wart dårmit fröölig.
Problem: Ungerechtigkët
Ine Bijbel stäit: “Prins regijre mit gerechtigkët.” (Isaías 32:1)
Wosoo däit dat passijre? Dai lüür ware ni mër slecht behanelt weegen eer rass urer weegen sai wënig gild häwe. Wart den kain ungerechtigkët mër geewe.
Problem: Hungersnood
Ine Bijbel stäit: “Wart feel sort köörn upe Ër sin, un uk feel sort eeten båwen upm bärg.” (Salmo 72:16)
Wosoo däit dat passijre? Ale ware gaur eeten häwe taum eeten. Kair däit slåpe gåe ån wat eete un dai lüür daue ni mër krank ware weegen dai hungersnood.
Problem: Gewaldigkët
Ine Bijbel stäit: “Sai daue sich jërer ainsig uuner sijn wijnlauf uunersete un uuner sijne fijgeboom, soo dat kair ainsig eer ängste däit.” (Miqueias 4:4)
Wosoo däit dat passijre? Dai lüür daue den kain angst mër forneeme, weegen dai slechte lüür ware ni mër sin un dai Ër wart bloos “der gerechte hööre”. (Salmo 37:10 un 29)
Problem: Krijgs
Ine Bijbel stäit: “Kair folk gäit int dai anerd gëgen mit dai espada hooghule un ni mër daue dai dere krijg lëre.” (Isaías 2:4)
Wosoo däit dat passijre? Dai gans Ër wart im freere sin. (Salmo 72:7) Kair däit mër wegtreke up anerd stel taum sich fone krijg behüüte un kair däit mër hüüle weegen aim wat im krijg doodkåme is.
Problem: Krankhët
Ine Bijbel stäit: “Kair wat upe Ër wånt wart säge: ‘Ik bün krank.’” (Isaías 33:24)
Wosoo däit dat passijre? Ale ware gesund, sogår dai blijne, dai doofe, dai låme un andrer. (Isaías 35:5 un 6) Dai Bijbel sägt sogår dat “dai dood wart den ni mër geewe”. (Apocalipse 21:4)
Problem: Dai lüür foråse dai Ër
Ine Bijbel stäit: “Dat sandland un dai dröög ër daue juuche un dai eewend dröög stel däit juuche un wart ful mit blaume.” (Isaías 35:1)
Wosoo däit dat passijre? Dai gans Ër wart air paradijs soo as God fom anfang an wul. (Gênesis 2:15 un Isaías 45:18)
Däit dat wirklig passijre wat ine Bijbel stäit?
Kan soo låte as ni. Åwer helpt oos sër mit beeter forståe wat dai Bijbel sägt oiwer dai tijd wat nog kümt. Woweegen? Weegen dat wat ine Bijbel forspråke is, is aners as dat wat dai lüür forspreeke daue. Dat wat ine Bijbel forspråke is kümt fon God. Woweegen is gaud dat waite? Kijk 2 daile:
Up God kan man sich forlåte. Ine Bijbel stäit dat ‘God ni laige kan’. (Tito 1:2) Bloos God kan waite wat passijrt in dai tijd wat nog kümt. (Isaías 46:10) Ine Bijbel sin feel daile wat God foiruutsägt hät un sin nåheer passijrt. Taum nog mër waiten, kijk der video “Wosoo koine wij oos sicher sin dat dai Bijbel fon God kümt?”.
God hät kraft un macht taum oos problems in’t raich bringe. Ine Bijbel stäit dat God hät kraft un macht taum måken ales wat hai wil. (Salmo 135:5 un 6) Dat bedüürt dat nischt God forbaire kan måke wat hai forspråke hät. God hät ni bloos kraft un macht taum oos helpe. Åwer hai wil dat måke weegen hai däit oos lijbe. (João 3:16)
Åwer duu kast denke: ‘Wen God oos helpe wil un hät kraft un macht dårtau, woweegen daue wij den sofeel doirsete?’ Sai dai antwoord in dem video “Woweegen giwt dat sofeel nood?”.
Wosoo däit passijre dat wat God ine Bijbel forspråke hät?
God däit måke wat hai forspråke hät doir sijne Regirung, wat im himel is. Hai hät Jësus Kristus uutsöcht taum Köönig sin un hät em oiwergeewt dai Ër un dai lüür uppasse. As Jësus upe Ër wääst is, hai hät dai kranke kurijrt, hät dai wat hunger hare sat måkt, hai har macht oiwer dat weerer un hät sogår doore upleewt. (Marcos 4:39 un 6:41 bet 44, Lucas 4:40 un João 11:43 un 44) Dit ales hät weese wat hai måke däit soo’s Köönig fon God sij Regirung.
Taum nog mër waite wat God sij Regirung tau dij måke däit, sai der video “Wat is God sij Regirung?”.
Wonair däit dat passijre wat God ine Bijbel forspråke hät?
Bald wart dat passijre! Wosoo kan man sich dåroiwer sicher sin? Ine Bijbel ståe feel daile wat passijre däire wen näig raner wäir dat God sij Regirung oiwer dai Ër regijre däir. (Lucas 21:10 un 11) Al dës daile wat dai Bijbel foiruutsägt hät daue hüütsendåg passijre.
Taum nog mër waite, lees der kapitel 32 fon dat bauk Leew up ümer lustig!.
Wosoo kan oos dat nuu helpe wat ine Bijbel forspråke is?
Air spruch sägt dat dai hofnung wat dai Bijbel oos giwt is soo as air “håke tau oosem leewend”. (Hebreus 6:19) Soo as air håke dat schif fasthule däit in aim unweerer, soo dai hofnung wat wij häwe doir dai Bijbel, kan oos mithelpe dai problems doirsete. Dës hofnung kan oos mithelpe in dat wat wij forneeme un denke, un sogår oos mithelpe dat wij gesuuner sin. (1 Tessalonicenses 5:8)
