KAPITEL 37

Schal ik mij tauwe låte?

Richtig urer Forkërd?

Dai wat Kristus någåe wile muite sich tauwe låte.

□ Richtig

□ Forkërd

Dat tauwen is uphaupt dat’s duu ni mër süün måke däist.

□ Richtig

□ Forkërd

Sich tauwe låte däit dij rere.

□ Richtig

□ Forkërd

Wen’s duu ni tauwt büst, däit God dij ni schuld geewe oiwer dai daile wat’s duu måke däist un ni måke däist.

□ Richtig

□ Forkërd

Wen dai womit duu ümgang häst sich tauwe låte, büst duu uk trecht taum dat måke.

□ Richtig

□ Forkërd

WEN’S DUU leewe däist nå dat wat dai Bijbel inlëre däit, dij anstrenge däist gaure ümgang mit God häwe un fortele däist taum andrer oiwer dijn gloobe, kan sin dat’s duu denke däist dij tauwe låte. Åwer wosoo kast duu waite wen’s duu al trecht büst taum dij tauwe låte? Taum dij dårmit helpe, wiman’s andenke an dai daile wat wij båwen al sägt häwe.

● Dai wat Kristus någåe wile muite sich tauwe låte.

Richtig. Jësus hät ordnung geewt dat dai wat em någåe wule müste sich tauwe låte. (Mateus 28:19 un 20) Sogår Jësus hät annåme sich tauwe låte. Taum Kristus någåe, must duu dij tauwe låte wen’s duu forståe däist woo nöörg dat is un wen’s duu dat wirklig måke wilst.

● Dat tauwen is uphaupt dat’s duu ni mër süün måke däist.

Forkërd. Dat tauwen wijst tau ale dat’s duu dijn leewend tau Jehovaa anbåre häst. Dij anbaire tau Jehovaa is ni soo as wen’s duu air papijr uunersrijwe däist wat dij ni måke låte däit dai daile wat’s duu måke wilst. Laiwer, däist duu dijn leewend tau Jehovaa anbaire weegen duu leewe wilst nå dat wat Jehovaa ine Bijbel inlëre däit.

● Sich tauwe låte däit dij rere.

Richtig. Dai Bijbel sägt wij muite oos tauwe låte taum rert sin (1 Pedro 3:21) Åwer is ni bloos dat’s duu dij tauwe låte däist dat’s duu rert warst. Duu must dij tauwe låte weegen duu däist lijb häwe up Jehovaa un duu wilst em ümer dijne up dijn ganse härts. (Marcos 12:29 un 30)

● Wen’s duu ni tauwt büst, däit God dij ni schuld geewe oiwer dai daile wat’s duu måke däist un ni måke däist.

Forkërd. Tiago 4:17 sägt: “Wen air wät dat wat richtig is måke un nog soo mökt dat ni, däit süün måke.” Dat is soo wen’s duu tauwt büst urer ni. Dårweegen wen’s duu waite däist wat richtig is un häst aine forstand, kan sin dat’s duu fortele wilst mit dijne papa un mama urer mit dai andrer wat starke gloobe häwe ine gemaind. Soo sai daue dij mithelpe ruuterfijne wat’s duu måke must taum dij tauwe låte.

● Wen dai womit duu ümgang häst sich tauwe låte, büst duu uk trecht taum dat måke.

Forkërd. Duu lötst dij tauwe weegen duu wilst sër gërn dat måke. (Salmo 110:3) Duu must dat måke bloos wen’s duu gans sicherhët häst dat’s duu waite däist wat’s duu måke must taum air Tüügen fon Jehovaa sin un büst trecht dårtau. (Eclesiastes 5:4 un 5)

Ain uutsuiken wat dij leewend aners mökt

Dat tauwen is ain uutsuiken wat dat leewend aners måke däit un feel seegen geewe däit, åwer duu must uk soo leewe as duu Jehovaa forspråke häst.

Büst duu trecht taum dij leewend anbaire tau Jehovaa? Wen’t jå is, kast duu dij fröölig befijne weegen duu däist Jehovaa dijne mit dijn ganse härts un duu däist soo leewe taum em sijne wile måke. (Mateus 22:36 un 37)

IN DAI ANERD KAPITEL

Dau denke an daile wat’s duu måke kast in dijn leewend taum dat gaud benutse.

HAUPTSACH SPRUCH

“Daut juuch körper anbaire tau God, up ain moor wat hai anneeme däit, leewig un hailig, un daut em mit hailigkët dijne mit juuch forstand.” (Romanos 12:1)

DUU KAST SOO MÅKE

Dau dijn papa un mama forlange dat sai dij helpe schåle aine suike ine gemaind wat dij helpe schål taum foirwärtsgåe im gloobe. (Atos 16:1 bet 3)

DÄIST DUU WAITE? . . .

Dij tauwe låte is nöörg un is air fone daile wat’s duu måke must dat’s duu rert ware däist. (Ezequiel 9:​4 bet 6)

DAU DIJ INRICHTE!

Dat ik foirwärtsgåe dau bet dat tauwen, ik wil dit inlëren fone Bijbel beeter forståe: ․․․․․

Ik wil dës frågen måke tau mijn papa un mama: ․․․․․

WAT DÄIST DUU ANTWOORE?

● Woweegen is dat tauwen air dail wat’s duu gaud andenke must?

● Woweegen kan passijre dat air juugend sich tauwe låte däit airer as hai trecht is dårtau?

● Woweegen kan dat passijre dat air juugend sich ni tauwe låte wil?

[Groot sriwt]

“Dat ik tauwt wäir, dat hät mij hulpe klauk uutsuiken måke un ni daile måke wat mij schåre küüne.” - Holly

[Tåfel/Bijler]

Frågen wat oft måkt ware oiwer dat tauwen

Wat hät dat tauwen upsich? Wen’s duu ruunermåkt warst uunerm wåter, dat is soo’s wen’s duu doodblijwst taum dijne wile måke. Wen’s duu uute wåter ruutergåe däist, dat bedüürt dat’s duu fon nuu an leewe däist taum Jehovaa sijne wile måke.

Wat bedüürt dij leewend tau Jehovaa anbaire? Bedüürt dat’s duu ni mër leewe däist soo as duu wilst un duu däist forsprääke dat God sij wile dat haupt wart in dijne leewend. (Mateus 16:24) Duu däist dij leewend tau Jehovaa anbaire wen’s duu beere däist dåroiwer airer as dij tauwe låte.

Wosoo mut dijn leewend sin airer as duu dij tauwe låte däist? Duu must leewe nå God sij Woord un fortele oiwer dijn gloobe tau dai andrer. Duu must dijn ümgang mit God stärke doir dat gebeed un God sij Woord studijre un em dijne weegen duu dat uutsöcht häst, un ni weegen andrer dat wile.

Wofeel jåre mut air häwe taum sich tauwe låte? Dat haupt is ni wofeel jåre as duu häst. Nog soo duu must groot naug sin un forstand häwe taum forståe wat bedüüre däit sich anbaire tau God.

Un wen’s duu dij tauwe låte wilst åwer dijn papa un mama säge duu must dij nog tijd låte? Kan sin dat sai maine daue dat’s duu nog ni trecht büst taum Kristus någåe. Neem eer formånen an un dau dës tijd benutse taum dijn ümgang mit Jehovaa nog stärke. (1 Samuel 2:26)

[Tåfel]

List taum fulsrijwen

Wilst duu dij tauwe låte?

Sai man’s wofeel as duu foirwärtsgåe büst im gloobe doir dat wat hijr uuner stäit. Lees uk dai bijbelsprüüch.

Wosoo däist duu hüüt wijse dat’s duu dij up forlåte däist an Jehovaa? (Salmo 71:5) ․․․․․

Wosoo däist duu wijse dat’s duu denke lërt häst taum waiten wat richtig un forkërd is? (Hebreus 5:14) ․․․․․

Woo oft däist duu beere? ․․․․․

Däist duu beere genau oiwer dat wat’s duu bruuke un doirsete däist? Wat däit dijn beeren wijse oiwer dijn lijb up Jehovaa? (Salmo 17:6) ․․․․․

Dau hijr uuner hensrijwe wat’s duu beetermåke wilst wen’s duu beere däist. ․․․․․

Woo oft däist duu dai Bijbel leese un studijre for dij alaine? (Josué 1:8) ․․․․․

Woo oiwer däist duu studijre? ․․․․․

Dau hijr uuner hensrijwe wat’s duu beeter måke wilst wen’s duu dai Bijbel leese un studijre däist for dij alaine. ․․․․․

Däist duu mitmåke in ales wat besägen hät mit dat preegarbëd? (Denk an daile soo as dës: Krijgst duu taum dai lüür uutdüürt dai hauptsach inlëren fone Bijbel? Däist duu werer fortele mit dai wat mër oiwer dai Bijbel waite wile? Däist duu dij anstrenge taum air mësch dai Bijbel inlëre?)

□ Jå □ Në

Däist duu preege lijkerst wen dijn papa un mama dat ni måke? (Atos 5:42)

□ Jå □ Në

Dau hijr uuner hensrijwe wat’s duu beetermåke wilst in dai preegarbëd. (2 Timóteo 2:15) ․․․․․

Büst duu ümer upe forsamlunge urer bloos wekmåls? (Hebreus 10:25) ․․․․․

Wosoo däist duu upe forsamlunge mitmåke? ․․․․․

Wen dijn papa un mama dij låte daue alaine upe forsamlunge hengåe, däist duu uk mitmåke nog wen sai ni upe forsamlunge koine sin?

□ Jå □ Në

Kast duu säge dat’s duu wirklig lust häst in God sijne wile måke? (Salmo 40:8)

□ Jå □ Në

Kast duu an daile denke wat’s duu doirset häst un strambleewe büst lijkerst dat andrer dij andreewe häwe forkërde daile måke? (Romanos 12:2) ․․․․․

Wat wilst duu måke dat dijn lijb up Jehovaa stark blijwe däit? (Judas 20 un 21) ․․․․․

Wen dijn papa un mama, un andrer woo mit duu ümgang häst ni mër Jehovaa dijne däire, däirst duu foirwärtsgåe em dijne? (Mateus 10:36 un 37)

□ Jå □ Në

[Bijld]

Dat tauwen is soo as dai hochtijd: däit dijn leewend aners måke, åwer duu must uk soo måke as duu forspråke häst.