Dai wår kristen wile gërn dat eer nischt un går nischt aflenket fon Jehovaa. Gans sicher wilst duu dat uk soo. Wen’s duu reäl büst, dat hät feele wërd tau Jehovaa. (Lees 1 Crônicas 28:9) Wat kan dijn reälligkët pruiwe un wat kast duu den måke?

1. Wosoo koine andrer oos forstööre reäl tau Jehovaa sin?

Wek lüür daue daile måke dat wij schåle ni mër Jehovaa horge. Åwer wee maik soo wat? Wek fon dai sin dai apóstatas. Sai häwe dai wårhët im stig låte un fortele loigen oiwer God sijn gemaind taum oose gloobe swak måke. Andrer wat dit uk måke daue sin wek religionschefs wat loigen oiwer oos fortele dat wek fon oos dai wårhët im stig låte schåle. Is gefärlig mit lüür fortele wat gëgen oos sin un een buiker un wat sai ine internet rinermåke leese. Is uk gefärlig in eer sites rinergåe urer eer videos kijke. Jësus hät oiwer dës lüür wat oos aflenke wile fon Jehovaa soo sägt: “Låt dai. Dai sin blinde wat andrer blinde lenke. Åwer wen air blind der ande blind lenket, sai bëd fale int loch.” (Mateus 15:14)

Un wen air wat wij kene daue wil ni mër Tüüge fon Jehovaa sin? Dat kan oos sër traurig låte wen dat air is wat wij lijbe daue. Dës mësch kan sin wil oos taureere dat wij schåle uutsuike wem as wij bijståe daue. Wij muite trecht sin taum reäl bijblijwe tau Jehovaa oiwer irgends air anerd dail. (Mateus 10:37) Dårweegen daue wij dai ordnung fon Jehovaa horge taum kaine ümgang mit soo’ne lüür mër häwe. (Lees 1 Coríntios 5:11)

2. Wosoo däit dat wat wij uutsuike wijse dat wij reäl tau Jehovaa sin?

Weegen oos lijb up Jehovaa, häwe wij nischt tau dauen mit falsche religion. Dat bedüürt dat oos arbëd urer irgends air dail wat wij måke dört nischt besägen häwe mit dai falsch religion. Jehovaa sägt oos beschaid oiwer Babilon: “Gåt uut eer ruuter, mij folk.” (Apocalipse 18:2 un 4)

 DAU MËR LËRE

3. Pass dij up fon dai lüür wat loigen inlëre

Wat muite wij måke wen wij hööre dat slecht oiwer Jehovaa sijn gemaind reert wart? Leest Provérbios 14:15. Nåheer fortelt oiwer dai fråg hijr uuner:

• Woweegen muite wij uppasse taum ni anglööwe an ales wat wij hööre?

Leest 2 João 10. Nåheer fortelt oiwer dai frågen hijr uuner:

• Wosoo schåle wij mit dai apóstatas sin?

• Wij waite dat wij ni mit dai apóstatas fortele döre. Åwer, wosoo kan dat passijre dat wij oos inlåte daue mit dat wat sai maine?

• Wat mainst duu, wosoo däir Jehovaa sich befijne wen wij hööre däire wen andrer oiwer sijn gemaind slecht reere daue?

4. Dau reäl tau Jehovaa blijwe lijkerst wen air ine gemaind groot süün mökt

Wat muite wij måke wen wij waiten krijge dat air ine gemaind ain groot süün måkt hät? Dau saie wat God ine früüsche tijd tau dem Israel folk sägt hät. Leest Levítico 5:1.

Soo as stäit in dësem spruch, wen wij waiten krijge dat air ain groot süün måkt hät wij muite dat tau dai ülster säge. Åwer airste is gaud der mësche taureere dat dai fortelt mit dai ülster un sägt wat dai forkërd måkt hät. Den, wen dai dat ni mökt, dat wij reäl tau Jehovaa sin, wij daue dat tau dai ülster säge wat wij waite daue. Wosoo dit måke wijst oos reäl lijb . . .

• up Jehovaa God?

• up der mësche wat süün måkt hät?

• up dai andrer ine gemaind?

 5. Dau wijdaf blijwe fon Babilon dai Groot

 WAT HÄWE WIJ HIJR LËRT?

Wij wile bijblijwe reäl tau Jehovaa sin. Dårweegen, daue wij kaine ümgang häwe mit dai wat ni reäl tau em sin. Un nog, wij muite oos gans un går trööghule fone falsche religion.

Denk dij ais nå

• Woweegen döre wij nischt saie, leese un hööre wat fon dai apóstatas kümt?

• Wosoo muite wij mit dai sin wat ni mër Jehovaas Tüügen wile sin?

• Wosoo kan man dai geboot horge taum sich gans un går trööghule fone falsche religion?