Jehovaa - Air God wat loont sich kene

DÄIT wat fëgle in dijn leewend? Wen’s duu God ni gaud kene däist, den dij antwoord is jå. Woweegen? Weegen dai God fone Bijbel kene, däit oos sër mithelpe in oos leewend un sër feel lüür häwe dat ruuterfuune. Dat kan dij nuu helpe un uk in dai tijd wat nog kümt.

Jehovaa God, fon wem dai Bijbel kümt, wil dat wij em kenelëre schåle. Dai salmista hät sreewe: “Dat dai lüür waite dat’s duu, wem sij nåme Jehovaa is, bloos duu dai Alehöögst büst oiwer dai gans ër.” Hai wät dat em kene hät groot wërd tau oos. “Ik, Jehovaa, bün dij God, dai wat dij inlërt wat beeter tau dij is.” Wat fon hülp krijge wij wen wij Jehovaa God, dai Alehöögst, kene daue? (Salmo 83:18 un Isaías 48:17)

Ain groot hülp wat wij krijge is belërung taum oos drëge forståe mit dai daile dag fon dag, wat gaures taum luure un anglööwe tau dai tijd wat nog kümt un freere ine gedanke häwe. Un nog, Jehovaa gaud kene däit oos helpe antwooren fijne tau dai frågen wat mëstümer dai lüür ine kop häwe. Wat fon frågen sin dat?

Wotau is dijn leewend?

Dat leewend is lichter woore weegen dai lüür sin sër foirwärtsgåe an dai daile wat sai måke, åwer sai daue nog ni waite dai antwooren taum dës frågen: Woweegen bün ik hijr? Wat kan ik luure fon dai tijd foiruut? Wotau is mijn leewend? Wen dai mësch dai richtige antwooren tau dës frågen krijgt ni, dai wät ni wotau is sij leewend. Däit dat passijre mit feel lüür? In 1997, dår in Düütschland, wek uutgelërte häwe wek lüür uutfrågt un sai häwe ruuterfuune dat hälwte fon dës lüür däire feelmåls ni waite wotau eer leewend wäir urer wat fone wërd eer leewend häwe. Kan sin woo’s duu wåne däist soo wat uk passijrt.

Wen dai lüür ni waite daue wotau dat leewend is, sai häwe nischt taum glööwe un waite ni wosoo dai daile in eere leewend inrichte. Feel maine dat wen sai ain gaud arbëd krijge daue, wat gaud fordaine däit un rijk ware, eere leewend wart sër gaud sin. Lijkerst soo, sai daue forneeme dat wat fëgle däit in eere leewend. Wek sin sër unruig weegen sai daue ni waite wotau dat leewend is un sai wile ni mër leewe. Ain sër bekand jornal, wat International Herald Tribune hit, hät sägt oiwer ain sër fain fruug, wat “uptrekt woore is mank feel rijkhët un woo sai ales måke küün wat sai wul.” Lijkerst sai sër feel gild hare, sai däir sich alaine forneeme un däir ni waite wotau dat leewend is. Sai häwe feel melicin innåme taum slåpe un nåheer dai lüür häwe eer dood fuune. Kan sin dat’s duu waite däist oiwer andrer lüür wat alaine sin.

Åwer häst duu al höört dat dai ciência kan ales oiwer dat leewend uutdüüre? Ain jornal fon Düütschland, wat Die Woche hit, hät soo sägt: “Dai ciência däit dai daile genau uutdüüre, åwer däit ni oos helpe in oose gloobe. Dai uutgelërte häwe nog ni dai evolução gans genau uutdüürt un andrer sort ciência daue uk ni oos trööste un oos sicher låte oiwer dai tijd wat nog kümt.” Ales wat ruuterfuune woore is, däit sër mithelpe oiwer dat leewend lëre åwer däit ni uutdüüre oiwer woweegen wij leewe daue un wat wij luure koine fon dai tijd wat nog kümt. Wen wij bloos an dai ciência glööwe, wij koine nij ais waite wotau dat leewend is. Soo as ain anerd bekand jornal sägt: “Taum oos lenke, wij bruuke sër anerd dail.”

Kair kan oos beeter lenke as God. Hai is dai wat oos måkt hät. Dårweegen hai wät woweegen wij sin hijr. Dai Bijbel däit uutdüüre dat Jehovaa hät dai lüür måkt taum feel ware un dai Ër bearbëre un dai gaud uppasse. Dai lüür schule in al dai daile wat sai måke daue God sijn gaure moors nåmåke soo as gerechtigkët, klaukhët un lijb. Wen wij gaud forståe woweegen Jehovaa oos måkt hät, wij daue waite woweegen wij sin hijr. (Gênesis 1:26 bet 28)

Wat kast duu måke?

Denk man’s an dës fråge: ‘Woweegen wil ik leewe? Wat däit passijre in mijn leewend in dai tijd wat nog kümt? Wotau is dat leewend? Wen’s duu nog ni dat richtige antwooren tau dës fråge fuune häst, dai Bijbel däit dij formåne taum Jehovaa gaud kene. Jësus hät soo sägt: “Dit bedüürt leewend up ümer: dat sai dij kenelëre, dai ainsig wår God, un der wat’s duu schikt häst, Jësus Kristus.” Dai Bijbel däit dij uk taureere sich anstrenge taum häwe gaure moors soo as dat lijb un sër wünsche taum uuner God sijn regirung leewe, wat bald regijre däit. Den duu kast gaud forståe wotau dat leewend is, un häst wat gaures taum luuren oiwer dai tijd wat nog kümt. Duu kast dai antwooren fijne taum dai fråge wat bet nuu hen dij unruig låte däist. (João 17:3 un Eclesiastes 12:13)

Woo kan dit dij helpe? Ain kërl wat Hans haite däit, kan dij antwoore. * Wek jåre tröög uut, hai däir an God glööwe, åwer dat hät kaine wërd tau em. Hai däir ümer drogas benutse, hai däir sër gërn motorad fuire un sex bedrijwe mit feel fruuges un uk hai däir bits steele. Hai hät soo sägt: “Ik wäir ni fröölig”. As hai 25 jåre har, hai wul mër lëre oiwer God doir dai Bijbel. As hai hät Jehovaa gaud kent un däir forståe wotau is dat leewend, sij leewend is aners woore un hai is tauwt woore soo as ain Tüügen fon Jehovaa. In dai lätste 10 jåre, hai däit Jehovaa dijne dai gans tijd oiwer. Hai hät soo sägt: “Dat leewend benutse taum Jehovaa dijne is dai best leewend. Nischt is beeter as dit. Jehovaa gaud kene hät mij hulpe waite wat måke mit mijn leewend.”

Wotau is dat leewend, is ni dai ainsig fråg dat dai lüür dai antwooren waite wile. As dai lüür saie daue dat dai daile ine wild slechte ware, anerd dail däit eer feel kopbreeken geewe.

Woweegen is dat passijrt?

Wen ain groot nood passijrt mëst ümer dai lüür daue sich fråge: Woweegen is dat passijrt? Taum dårmit sich gaud drëge forståe, man bruukt dai richtig antwoord waite taum dës fråg. Wen air mësch ni dai richtig antwoord dårtau krijgt, dai wart unruig un kan sogår sich ümer traurig im leewend befijne. Sai wat passijrt is mit ain mama wat Bruni haite däit.

“Wek jåre trööguut, mijn klain määke is doodbleewe”, sägt Bruni. “Ik däir an God glööwe, den ik häw mit dai praister fon mijn kirch fortelt taum troost krijge. Hai hät mijn sägt dat God hät Susanne ine himel nåme woo sai ain ängel woore is. Mijn leewend har kaine wërd mër, ik däir ni waite wat ik måke däir un ik küün ni mër God lijre weegen hai hät eer mitnåme. Bruni is bijbleewe waidåg un traurigkët forneeme doir feel jåre lang. Dun, ain Tüügen fon Jehovaa hät mij ine Bijbel weese dat ik brüük ni wüütend ware mit God, Jehovaa hät ni Susanne ine himel nåme un sai wäir kain ängel. Sai is krank woore weegen dai süün wat man ärbt häwe. Is soo as Susanne slåpe däit, un däit luure dat Jehovaa eer upwäke däit fon dood. Ik häw uk lërt dat Jehovaa hät dai lüür måkt taum hijr upe Ër ine paradijs up ümer leewe un dat hai bald dat mökt. As ik anfånge häw forståe wat fon sort God Jehovaa wirklig is, ik bün näiger an em ranerkåme un häw anfånge mij beeter forneeme. (Salmo 37:29, Atos 24:15 un Romanos 5:12)

Miljone lüür daue feel sort swårhëte doirsete in eer leewend soo as krankhëte, dood, krijg, hungersnood un andrer. Bruni hät trööst fornåme as sai doir dai Bijbel waiten kreege hät dat Jehovaa kain schuld hät oiwer dat wat passijre däit ine wild, dat hai nij ais wul dat dai lüür dës daile doirsete däire un dat bald däit hai al dai slechtigkët uutrote. Dat dai slechtigkët hüüt mër ware däit, dat wijst dat wij ine lätste dåg fon dës wild leewe daue. Is sër dicht an dat passijre däit, dat ales beeter ware soo as wij sër up luure daue. (2 Timóteo 3:1 bet 5, Mateus 24:7 un 8)

Dau God kene

Hans un Bruni däire ni God richtig kene. Sai däire an em glööwe, åwer sai däire ni dai wårhët oiwer em waite. As sai eer tijd ruuternåme häwe taum Jehovaa gaud kene, dat hät feele wërd tau eer hat. Sai häwe gaure antwooren kreege wat dai lüür mëst waite wile. Dat hät eer freere geewt un gaure daile taum luure taum dai tijd wat nog kümt. Feel miljone wat Jehovaa dijne daue häwe uk soo wat fornåme.

Wij daue anfänge an Jehovaa gaud kene wen wij genau dai Bijbel lëre daue, dårin stäit woo God is un wat hai wil dat wij måke schåle. Airst dat jår 100 foir Kristus sijn tijd feel häwe dit måkt. Lucas, air wat dai Bijbel sreewe har un wäir uk dokter, hät sägt dat dai Judeus fon dai gemaind fon Beréia, in Grécia, “dat woord (fon Paulo un Silas) härtslig annåme, un däire jërer dag gans genau dai Hailig Sriwt nåsuike, of dat wirklig ales soo wäir.” (Atos 17:10 un 11)

Dai kristen in dai tijd däire uk sich forsamle in dai gemainde. (Atos 2:41, 42, 46, 1 Coríntios 1:1, 2, Gálatas 1:1, 2 un 2 Tessalonicenses 1:1) Dai neemlig dail passijrt hüüt. Dai gemainde fon Jehovaas Tüügen hät feel forsamlunge taum jërer ainsig helpe näig an Jehovaa ranerkåme un em anbeere mit frööligkët. T’hoop sin mit Jehovaas Tüügen kan dij helpe mit andrer daile. Dai lüür daue ümer nåmåke dai God wat sai anbeere, neemlig soo Jehovaas Tüügen daue sich anstrenge taum wijse dai gaure moors wat Jehovaa hät. Dat wij t’hoop mit eer oos forsamle daue, däit oos helpe Jehovaa beeter kene. (Hebreus 10:24 un 25)

Mainst duu dat dit ales måke is taufeel taum bloos aine mësch kene? Jå is ni licht. Åwer is dai neemlig mit dai daile wat’s duu måke wilst in dijn leewend. Denk an woo dul air sër bekand mësch wat esports mökt, däit sich anstrenge dårtau. Soo as Jean-Claude Killy, wat in França dai guld medalha ine olímpiadas up esqui gewune hät. Hai sägt soo oiwer wat bruukt taum gewine in aine esporte wat sër bekand is upm wild: “Man mut anfänge 10 jåre airer sich trechtmåke un dat inrichte doir dai jåre foirwärts un an dit al dåg denke. Dai mësch mut an dit denke un sijn körper trechtmåke dårtau jërer dag up jår.” Ain mësch däit sër feel tijd ruuterneeme sich anstrenge taum ain esporte gewine wat bloos 10 minuute lang duurt! Wij koine sicherhët häwe dat wat wij krijge koine doir Jehovaa kene is feel beeter as dit.

Ain gaur ümgang wat ümer beeter wart

Wee wil dat wat groot wërd hät forlaire? Kaine. Wen’s duu ni waite däist wotau dijn leewend is urer wil sër gërn waite woweegen sofeel slechte daile passijre daue, den dau ni nålåte Jehovaa kene, dai God fone Bijbel. Oiwer em lëre kan dijn leewend nuu un, up ümer, beeter måke.

Kan sin dat aine dag bruuke wij nischt mër oiwer Jehovaa lëre? Dai wat Jehovaa dijne doir feel jåre lang daue nog sich bewunre mit dat wat sai oiwer em lërt häwe un mit dai nijg daile wat sai bijblijwe oiwer Jehovaa lëre. Den wij daue forneeme soo as dai apostel Paulo, wat sreewe hät: “Woo daip sin doch dai rijkhët, dai klaukhët un dai kenen fon God! Kair kan em sijn gerichte uunersuike un em sijn weeg upsuike. Weegen ‘wee hät Jehovaa sin gedanke kent, urer wee hät em formånt’?” (Romanos 11:33 un 34)

[Nåt]

[Groot srijwen]

Dai lüür daue nog ni waite dai antwooren tau dës frågen: ‘Woweegen bün ik hijr? Wat kan ik luure fon dai tijd foiruut? Wotau is mijn leewend?’

[Groot srijwen]

“As ik anfånge häw forståe wat fon sort God Jehovaa wirklig is, ik bün näiger an em ranerkåme”

[Groot srijwen]

“Dat leewend benutse taum Jehovaa dijne is dai best leewend. Nischt is beeter as dit. Jehovaa gaud kene hät mij hulpe waite wat måke mit mijn leewend”