HÜLPS TAU DAI WAT TRUURE

Dat best hülp tau dai wat truure daue

SPEELA

INE LÄTSTE JÅRE UUTSTUDIJRTE LÜÜR HÄWE SËR FEEL LËRT OIWER DAI WAIDÅG FON DAI WAT TRUURE DAUE. Åwer soo as wij al saie häwe dai beste formånen wat dai dokters un uutstudijrte lüür feel måls geewe daue, daue t’hoopstime mit dat wat dai Bijbel sägt. Dit wijst dat dai formånen fon dës uld bauk klauk sin un bet hüüt hen daue dai ümer richtig geewe. Åwer dai Bijbel hät ni bloos gaur formånen. Ine Bijbel sin wårhëte wat wij in kain anerd stel fijne daue, wat sër dul trööste daue dai wat truure. Wiman’s wek fon dës saie:

Dai wat wij lijbe daue un doodbleewe sin daue kain nood doirsete

Dai Bijbel sägt dat “dai doore daue gewiss nischt mër waite” un dat ‘een gedanke ware al.’ (Eclesiastes 9:5 un Salmo 146:4) Un dårweegen däit dai Bijbel dai dood t’hooppasse mit air mësch wat ruig slåpe däit. (João 11:11)
Däit oos sër trööste up air lijb God forlåte

Dai Bijbel sägt: “Jehovaa a sijn oogen sin oiwer dai gerechte, un wen dai hülp bire, em sijn oore daue dat hööre.” (Salmo 34:15) Mainst duu dat beere is bloos ain moor taum wat säge taum sich beeter befijne urer dijn gedanke int raich måke? Feel denke soo, åwer beere is ni bloos dat. Wen wij tau God beere daue un em säge daue wat wij forneeme, dat däit oos helpe näig an em kåme. Un hai däit oos uk trööste doir em sijn kraft.
Wij koine wat gaures luure fon dai tijd wat nog kümt

Wart air groot fruir sin hijr upe ër wen dai lüür wat wij lijbe, wat nuu dood sin werer upleewt ware. Dai Bijbel fortelt oft dåroiwer, däit oos uk uutdüüre wosoo wart dat leewend sin hijr upe ër wen dës daile passijre daue: ‘God däit jërer trån fon eer oogen afwische un dai dood wart den ni mër geewe, dai traurigkët, dai hüülen, dai waidåg ware ni mër geewe.’ (Apocalipse 21:3 un 4)

Feel wat an Jehovaa glööwe, dai God wat dai Bijbel sägt dat dai wår God is, daue sich stärke forneeme taum uuthule wen air laiw mësch doodblijwt, weegen sai daue sich upforlåte an dit wat God forspråke hät. Soo as mit Ann passijrt is, eer sij kërl is doodbleewe nå dat sai 65 jåre forfrigt wäire. Sai sägt: “Dai Bijbel giwt mij sicherhët dat dai laiwe lüür wat al doodbleewe sin daue nischt doirsete un dat God eer werer upleewe däit. Wen ik andenke dau dat mij kërl doodbleewe is, denk ik an dës daile wat God forspråke hät. Dit helpt mij uuthule dai slimst dail wat mit mij passijrt is!”

Tina woo oiwer wij al fortelt häwe sägt: “Fon dere dag an wat Timo doodbleewe is, ik forneem dat God mij sër mithelpe däit. Ik kan går ni säge woo dul as Jehovaa mij helpe däit in dës slim tijd. Ine Bijbel stäit dat dai doore werer upleewe daue un ik bün mij sicher dat dat passijre däit. Dit waite giwt mij kraft taum foirwärtsgåe bet dai dag woo ik Timo werer saie dau.”

Feel lüür wat sich upforlåte daue an dai Bijbel forneeme dat dai Bijbel eer uk kraft giwt taum foirwärtsgåe. Wek maine dat dat wat dai Bijbel forsprääke däit tau dai tijd wat nog kümt tau gaud is urer dat sogår soo as air droom is. Un duu? Mainst duu ni dat beeter is waite wat dai Bijbel wirklig inlëre däit taum uutsuike wen wij oos upforlåte koine urer ni an dat wat dai forsprääke däit? Duu kast uk ruuterfijne dat dai Bijbel dai best hülp is tau dai wat truure daue.