Bald kümt dai nijg wild!
God hät dai wild måkt dat dai lüür wat em horge daue, dår ümer up leewe küüne. (Salmo 37:29) God hät tau Adam un Eva ain fain stel taum wånen geewt, der Eden gåre. God hät eer un ale dai wat nå eer geboore ware däire oiwergeewt dai Ër bearbëre un dai uppasse. (Gênesis 1:28 un 2:15)
Hüüt dai wild is gans aners as air paradijs, soo as God im anfang wul. Åwer God wil nog dai Ër schal air paradijs ware. Wosoo mökt hai dit? Wij häwe al lërt God däit dai Ër ni uutrote. Gans aners! Hai wil reäl lüür schåle upe Ër leewe. Wosoo wart dat leewend sin upe Ër wen God mökt wat hai forspråke hät?
Air ainsig regirung upe ganse Ër
Bald, fom himel, God sij Regirung däit dai ganse lüür regijre. Wen dat passijre däit, dai Ër wart ain stel sin woo al lüür in ainigkët un frööligkët leewe. Dai lüür häwe den aine gaure arbëd un andrer daile wat eer frööligkët geewe koine. God hät Jësus uutsöcht taum dai Ër regijre. Gans aners as dai wat hüüt regijre, Jësus däit ümer dat best måke tau dai lüür. Hai däit mit lijb regijre. Hai wart air köönig sin wat gaurigkët, barmhärtsigkët un gerechtigkët wijst. (Isaías 11:4)
Ainigkët ine ganse wild
In God sijn nijg wild, dai lüür ware ni fon feel folk un rass sin. Weegen al lüür ine ganse wild, ware bloos air folk sin. (Apocalipse 7:9 un 10) Al lüür upe Ër daue God un air der andrer lijbe. Ale daue mit freere t’hoop arbëre taum God sijne wile måke: dat dai Ër air paradijs wart. (Salmo 115:16)
Giwt kaine unweerer un dai lüür foråse ni mër dai Ër
Wen God sij Regirung dai Ër regijre däit, God däit al unweerer almåke. (Salmo 24:1 un 2) Ais hät Jësus air groot gewiter ruig måkt. Dit wijst wat hai måke kan mit dai macht wat God em geewt hät. (Marcos 4:39 un 41) Wen Jësus regijre däit kair bruukt angst häwe fon dat unweerer. Un den, dai lüür daue in freere leewe mit dai tijre un daue ni mër dai Ër foråse. (Oseias 2:18)
Gesundhët un eeten tau ale
Ale ware gesund sin. Kair blijwt mër dood, wart krank un uld. (Isaías 35:5 un 6) Ale daue leewe up ain stel soo as Adam un Eva leewe däire, ain fain un rëgen stel. Soo as in dem Eden gåre, ine nijge wild giwt feel eeten. Ale ware mër häwe as dat naug is. (Gênesis 2:9) Soo as passijrt is mit God sij folk ine früüsche tijd, ale daue sat ware mit brood. (Levítico 26:4 un 5)
Freere un sicherhët
Wen God sij Regirung dai Ër regijrt, ale lüür daue freere häwe un daue air der andrer mit gaurigkët un gerechtigkët behandle. Den, giwt kaine krijg mër, kain ungerechtigkët un ale häwe wat sai bruuke taum leewe. Dai Bijbel sägt gans klår: “Sai daue sich jërer ainsig uuner sijn wijnlauf uunersete un uuner sijne fijgeboom, soo dat kair ainsig eer ängste däit.” (Miqueias 4:3 un 4)
Ale häwe den air huus un arbëd wat lustigkët giwt
Al familge häwe den air huus taum wånen. Bruuke sich kain kopbreeken måke dat sai ån sij huus blijwe. Al arbëd däit lustigkët geewe. Dai Bijbel sägt dat dai wat in God sijn nijg wild leewe daue, “daue ni unnüte arbëre”. (Isaías 65:21 bet 23)
Dat best inlëren
Dai Bijbel sägt: “Gans sicher dai gans Ër wart ful mit Jehovaa sij kenen.” (Isaías 11:9) Ine nijge wild dai lüür daue lëre mit dai faine daile wat Jehovaa måkt hät un ware saie dat em sijn klaukhët ni al wart. Kair däit sijn klaukhët benutse taum wafen måke un andrer schåre. (Isaías 2:4) Gans aners, dai lüür daue lëre in freere un ainigkët leewe air mit der andrer un dai Ër gaud uppasse. (Salmo 37:11)
Leewend up ümer
God hät dai Ër mit lijb måkt dat wij mit frööligkët leewe däire. Hai wil dat dai lüür up ümer leewe upe Ër. (Salmo 37:29 un Isaías 45:18) Taum dit måke God “däit der dood up ümer uutrote”. (Isaías 25:8) Dai Bijbel hät forspråke: “Dai dood wart den ni mër geewe, kain traurigkët, kair hüülen, kain waidåg.” (Apocalipse 21:4) Dai wat leewig blijwe daue wen dat ën kümt un uk dai wat upleewt ware in God sijn nijg wild, koine den up ümer leewe. (João 5:28 un 29 un Atos 24:15)
Miljone lüür ine ganse wild daue nuu wat måke, taum uuner God sij Regirung leewe, wat bald kümt. Nog dat dai fëgels häwe, sai daue sich sër anstrenge taum måken wat God wil taum leewe in sijn nijg wild. Wosoo krijge sai dat måkt? Sai daue oiwer Jehovaa lëre un oiwer der wat hai schikt hät, Jësus Kristus. (João 17:3)
Dau waite wat’s duu måke must taum leewig blijwe wen dat ën fon dës wild kümt un leewe in God sijn nijg wild wat bald kåme däit. Dau aine kurs fone Bijbel måke mit ain Tüüge fon Jehovaa. Dårtau, benuts dat bauk “Leew up ümer lustig!”.
