DAI LÜÜR

Wat dai Bijbel sägt: God ‘hät ni dai Ër måkt taum går nischt, åwer hät dai måkt taum bewånen’. (ISAÍAS 45:18)

DAI ËR

Wat dai Bijbel sägt: “Lüür blijwe dood un lüür ware geboore, åwer dai Ër blijwt up ümer.” (ECLESIASTES 1:4)

WAT BEDÜÜRT DIT: Soo as ine Bijbel stäit, dai Ër wart nij ais uutrot un ümer daue lüür up dai leewe. Den, wat is dat ën fone wild?

DENK HIJR OIWER: Dai Bijbel passt dat ën fon dës wild t’hoop mit Noé sijn tijd. In dai tijd dai Ër wäir “ful mit doodmåken un hassen”. (Gênesis 6:13) Åwer Noé däir God horge. Dårweegen, hät God ni Noé un sijn familg uutrot. Åwer hät dai slechte lüür uutrot doir der groote reege. Oiwer dat wat passijrt is in dai tijd, sägt dai Bijbel: “Dai wild in der tijd is uutrot woore doir gans uunergåe mit wåter.” (2 Pedro 3:6) Dës spruch sägt dai wild is uutrot woore. Åwer wat is dat wirklig wat uutrot woore is? Is ni dai Ër wääst, åwer, dai slechte lüür upe Ër. Den, wen dai Bijbel sägt oiwer dat ën fone wild, dat bedüürt ni dat dai Ër uutrot wart. Åwer dat dai slechte lüür uutrot ware un dat dai slechte daile ni mër passijre daue.

DAI SWÅRHËTE UN DAI SLECHTIGKËT

Wat dai Bijbel sägt: “Bloos nog air klair bits, un dai slechte ware ni mër sin, duu däist kijke woo sai wäire, un sai ware dår ni sin. Åwer dai Ër wart der fråme hööre un sai häwe den groot fruir in sër feel freere.” (SALMO 37:10 UN 11)

WAT BEDÜÜRT DIT: Nå dem groote reege in Noé sijn tijd is dai slechtigkët werer upkåme. Dårweegen wäir dat leewend ni licht, weegen dai slechte lüür. Åwer bald däit God dai slechtigkët almåke. Grår soo as dai Salmo 37 sägt hät: “Dai slechte ware ni mër sin.” God däit dai slechtigkët almåke doir sijm regirung, wat fom himel regijrt dai ganse lüür upe Ër wat em horge.

DENK HIJR OIWER: Daue dai regirunge fone lüür God sij Regirung bijståe mit fruir? Dai Bijbel sägt në. Is traurig, åwer sai daue God sij Regirung afståe. (Salmo 2:2) Un wat passijrt dårweegen? God sij Regirung däit in al regirunge fone lüür sijn stel blijwe un “bloos dai blijwt up ümer”. (Daniel 2:44) Åwer wat bruuke wij? Un woweegen muite dai regirunge fone lüür alware?

Wat dai Bijbel sägt: “Höört ni dem mësche tau, nijmåls sijn sride lenke.” (JEREMIAS 10:23)

WAT BEDÜÜRT DIT: Dai lüür sin ni måkt woore taum sich alaine regijre. Dai krijge ni andrer lüür regijrt uk ni eer swårhëte int raich bröcht.

DENK HIJR OIWER: Air bauk a sägt dai wat alaine regijre krijge ni “int raich bröcht daile wat geewe ine ganse wild soo as armhët, hungre, krankhët, groot unweerer, krijg, doodmåken un hassen”. Dai sägt uk dat “wek . . . glööwe dat bloos air regirung wat regijrt oiwer dai gans Ër dës daile int raich bringe küün”. Åwer wen uk al regirunge fone lüür in ainigkët regijre däire, nog soo, wöör dai wild regijrt mit lüür wat fëgels häwe, wat ni dai swårhëte wat hijr ståe int raich bröcht krijge. Bloos God sij Regirung hät dai macht taum al swårhëte ine ganse wild int raich bringe up ümer.

Den, soo as dai Bijbel inlërt, dai gaure lüür bruuke kain angst häwe fon dat ën fon dës wild ful mit slechtigkët! Dit is sër wat schöönes! Bald, dës slecht wild gäit forbij un God däit ain fain un nijg wild bringe.

Wonair passijrt dit ales? Dai anerd artikel wijst wat dai Bijbel sägt.