Wonair kümt dat ën? Wat hät Jësus sägt?
Soo as wij al saie häwe, wen dai Bijbel fortelt oiwer dat ën fone wild, dat däit ni bedüüre dat dai Ër un al dai lüür alware. Åwer dat bedüürt dat ën fon dai forkërde un slechte daile wat hüüt geewe un fon dai lüür wat dës daile måke. Åwer sägt dai Bijbel wonair dat ën kümt?
DENK AN DËS TWAI DAILE WAT JËSUS SÄGT HÄT OIWER DAT ËN:
“Daut wåken blijwe, weegen jij waite ni der dag uk ni dai stuun.” (MATEUS 25:13)
“Daut ni slåpe, blijwt wåken, weegen jij waite ni dai tijd wat uutsöcht woore is.” (MARCOS 13:33)
Den, kair wät genau wonair dat ën kümt. Åwer God hät dai “tijd uutsöcht” urer aine dag un ain stuun dat dat ën kümt. (Mateus 24:36) Bedüürt dat, dat wij ni waite koine of dat ën näig is? Në. Jësus hät tau sijn jüngers sägt, sai schule uppasse nå wek daile wat wijse däire dat dat ën bald kåme däir.
DAT WAT JËSUS SÄGT HÄT WAT WIJ SAIE DÄIRE
Jësus hät oiwer feel daile fortelt wat wijse däire dat “dat ën fone wild” näig wäir. Dës daile däire gans klår wijse dat dat ën bald kåme däir. Hai hät sägt: “Gëgend däit sich stele gëgen anerd gëgend un regirung gëgen regirung; eetwår wart knap un ërschütlen in aine stel nåne ande.” (Mateus 24:3 un 7) Hai hät uk sägt dat feel un slim “krankhëte” geewe däir. (Lucas 21:11) Däist duu dit saie wat Jësus sägt hät?
Hüütsendåg, dai lüür daue nood doirsete weegen der krijg, hungersnood, ërschütlen un krankhëte, ain hijner der andrer. In 2004 dat land uuner dem Índico meer hät schütelt un dit hät air tsunami (ain groot wåter wel) måkt, wat bijnå 225.000 lüür doodmåkt hät. In 3 jåre, weegen dai pandemia fon covid-19, 6.900.000 lüür ine ganse wild sin doodbleewe. Jësus hät sägt dat soo’n daile wijse däire dat dat ën gans näig wäir.
“DAI LÄTSTE DÅG”
Åwer airer as dat ën kümt, dai Bijbel sägt wij däire leewe in “dai lätste dåg”. (2 Pedro 3:3 un 4) Soo as 2 Timóteo 3:1 bet 5 sägt, ine lätste dåg dai lüür däire ni anneeme dat wat God sägt wat richtig is. (Sai dai tåfel “ Klain bits airer as dat ën fone wild”.) Häst duu saie dat dai lüür hüütsendåg dat gild lijbe, wile ümer mër häwe as dai andrer, sich hasse inananer un wijse kair lijb? Dat däit uk gans klår wijse dat wij gans näig leewe an dat ën fon dës wild.
Wolang daue dai lätste dåg uuthule? Soo as dai Bijbel sägt “ain kord tijd”. (Apocalipse 12:12) Den, God däit “dai uutrote wat dai Ër foråse”. (Apocalipse 11:15 bet 18, nåt)
BALD KÜMT DAI PARADIJS HIJR UPE ËR!
Åwer is uk wat gaures. God hät al uutsöcht der dag un dai stuun taum dat ën bringe oiwer dës slecht wild. (Mateus 24:36) Åwer God “wil ni dat air uutrot wart”. (2 Pedro 3:9) Dårweegen, giwt hai nog tijd dat dai lüür oiwer em lëre daue un måke wat hai wil. Woweegen? Hai wil dat wij leewig blijwe daue wen dat ën fone wild kümt un dat wij leewe koine in ain nijg wild, wen dai Ër air paradijs wart.
Ine ganse wild, God däit lüür helpe lëre wat sai måke muite taum im paradijs leewe, uuner sij Regirung. Jësus hät sägt dat dai gaure nijges fon God sij Regirung preegt ware däire “up dai gans bewånent Ër”. (Mateus 24:14) Ine ganse wild, Jehovaas Tüügen benutse biljone stuune taum preegen. Sai häwe dai hofnung wat dai Bijbel giwt preegt un inlërt ine ganse wild. Jësus hät sägt dat dai preegarbëd måkt ware däir ine ganse wild, airer as dat ën kåme däir.
Bald, ware dai regirunge fone lüür uutrot. Åwer, wen dat ën fon dës wild kümt, kast duu leewig blijwe un leewe hijr upe Ër, im paradijs, wat God forspråke hät. Dai anerd artikel däit uutdüüre wat’s duu måke must taum leewe in dës nijg wild.
Dat wat Jësus sägt hät wat passijre däir ine “lätste dåg” giwt oos hofnung
Kan sin dat dit dij uk gefale däit
FRÅGEN WAT DAI BIJBEL ANTWOORT
Wonair kümt dat ën fone wild?
Däit dai Bijbel genau dai tijd wijse woo dat ën kümt?
FRÅGEN WAT DAI BIJBEL ANTWOORT
Wat däir passijre in dai “lätste dåg” fon dës wild?
Dai Bijbel hät foiruutsägt oiwer wek daile wat passijre däire in “dai lätste dåg”, airer as dat ën kåme däir.
