Denk dat’s duu wat slimes doirsete däist. Åwer is air mësch woo’s duu gaure ümgang mit häst. Wat däir dës mësch måke? Gans sicher dai däir dij mithelpe, weegen dai däit sich mit dij bekümre. Feel lüür hüütsendåg daue uk nood doirsete. Åwer feel fon dai daue soo denke: ‘Wen God sich bekümre däir mit mij, hai däir wat måke taum mij helpe.’ Åwer is dat wirklig wår? Në. God hät al feel daile måkt taum oos helpe. Un hai däit nog feel daile måke taum oos helpe air fröölig leewend häwe. Wosoo däit hai dat måke?

Fon wem kümt dai slechtigkët heer? Ine Bijbel stäit: “Dai gans wild is uuner dem Düüwel sijn macht.” (1 João 5:19) Den, dai slechtigkët kümt fon Satan, dai Düüwel. In João 12:31 Jësus hät sägt is dai Düüwel “wat regijrt oiwer dai wild”. Den, is Satan sijn schuld dat wij nood doirsete daue. Åwer God däit Satan uutrote. Wosoo?

Doir Jësus Kristus, Jehovaa God däit der uutrote wat der dood oiwersich hät, dai Düüwel. (Hebreus 2:14 un 1 João 3:8) Dai Bijbel wijst dat dai Düüwel wät dat hai uutrot wart un “dat sijn tijd kord is”. (Apocalipse 12:12) God däit uk ale dai uutrote wat måke wat slecht is. (Salmo 37:9 un Provérbios 2:22)

God däit dai slechtigkët almåke. Nåheer däit hai måke wat hai ümer måke wul tau dai Ër un tau dai lüür. Wat fon gaure daile daue den passijre?

Ale daue im freere leewe un daue kain angst mër forneeme. “Dai Ër wart der fråme hööre un sai häwe den groot fruir in sër feel freere.” (Salmo 37:11)

Gaur eeten tau ale. “Wart feel sort köörn upe Ër sin, un uk feel sort eeten båwen upm bärg.” (Salmo 72:16)

Ale daue air fain huus häwe taum wånen un aine gaure arbëd. “Dai daue hüüser buuge un daue dår in wåne. Daue wijn plante un daue dårfon eete . . . Un mijn uutgesöchte daue gaud benutse der arbëd wat sai måke mit sijne häin.” (Isaías 65:21 un 22)

Wilst duu dat saie wen dës faine daile passijre? Bald wart dat passijre!

Hüütsendåg ale ware krank un blijwe dood. Åwer bald wart dat aners sin. God däit dai gaure daile måke wat passijre koine weegen Jësus sijne dood. God däit dat måke, dat jërer dai wat gloobe up Jësus hät, “ni uutrot wart, åwer up ümer leewe kan”. (João 3:16) Dau saie wek sprüüch fone Bijbel oiwer dës faine daile.

Kair wart mër krank. “Kair wat upe Ër wånt wart säge: ‘Ik bün krank.’ Dat folk wat up dëse Ër wånt ware eer fëgels forgeewt häwe.” (Isaías 33:24)

Kair däit mër nood doirsete weegen dem dood. “Hai däit der dood up ümer uutrote, un dai Alehöögst Her Jehovaa däit dai tråne fon al dai gesichte afwische.” (Isaías 25:8)

Dai lüür daue up ümer leewe. “Dat geschenk wat God oos giwt is dat leewend up ümer doir Kristus Jësus, oos Her.” (Romanos 6:23)

Dai doore ware upleewt. “Air upleewen fom dood geewe däit, dai gerechte soo as dai ungerechte.” (Atos 24:15) Dit däit passijre weegen God hät Jësus upt Ër schikt taum for oos doodblijwe.

Wosoo däit God dit ales måke?

Taum dat passijre wat God wil tau dai lüür un tau dai Ër, hai däit sijne Regirung benutse. Dës Regirung is im himel un dai wat regijre däit is Jësus Kristus. (Salmo 110:1 un 2) Jësus hät sijn jüngers inlërt beere dat dës Regirung kåme schul. Hai hät sägt: “Oos Fåter im himel . . . dij Regirung schal kåme.” (Mateus 6:9 un 10)

God sij Regirung däit oiwer dai Ër regijre un däit almåke dai gans nood wat dai lüür hüütsendåg doirsete daue. Dit is dai best regirung wat dai lüür häwe koine. Dårweegen, as Jësus hijr upe Ër wääst is, hai hät sich sër anstrengt taum dai “gaure nijges fon God sij Regirung” preege un hät sägt sijn jüngers schule dat neemlig måke. (Mateus 4:23 un 24:14)

Jehovaa God hät forspråke al dës faine daile måke weegen hai lijbt oos sër. Wilst duu nog mër daile oiwer God waite un aine gaure ümgang mit em häwe? Dat wart sër gaud sin tau dij. Woweegen? Dau dat lëre in dat anerd stük.