Dai Bijbel mökt dat leewend aners

“Ik hass ni mër dai wite lüür.” - HAFENI NGHAMA

WOO ULD IS DAI: 34

LAND: ZÂMBIA

GESCHICHT: RASTAFÁRI

WAT IK BELEEWT HÄW: Ik bün geboore woore in Zâmbia, in air stel dår woo dai lüür wat wegloope hare wåne däire. In air krijg mijn mama is for Namíbia wegloope un sai is in dai Organização do Povo da África do Sudoeste rinergåe. Dës grup wäir gëgen dai regirung in sul fon África, wat in dai tijd Namíbia regijre däir.

Bet ik 15 jåre har, häw ik in feel stele wånt woo dai lüür wat wegloope hare wåne däire, stele wat tauhööre däire taum dai Organização do Povo da África do Sudoeste. Dai juugende dår wäire inlërt taum lüür sin wat mithelpe däire, dat dai lüür fon Namíbia frai wäire. Wij wäire inlërt dai wite lüür hasse.

Dår as ik 11 jåre har, wul ik mij inseegne låte in ain kirch. In dës kirch wäire feel sort lüür, katolisch, luteranos, anglicanos un andrer. Ik häw mit dem praister reert, hai hät sägt dat ik dat ni måke schul. Fon dun an, häw ik ni mër an God glööwt. Åwer, as ik 15 jår har, weegen ik dai reggae lijbe däir un dat ik dai wile har taum mij anstrenge gëgen dai ungerechtigkët wat dai swarte lüür fon África doirsete däire, häw ik dai rastafári bijståe. a Häw mij hår wasse låte, soo as dai rastafári lüür måke däire, un häw anfånge droga rooke. Ik häw kain flaisch mër geete un ik häw mij anstrengt dat dai swarte lüür frai schule sin. Åwer, ik bün bijbleewe air soigisch leewend häwe, ik häw filmes mit strijrerig keeke un nog däir soigisch wöör fortele.

DAI BIJBEL HÄT MIJ LEEWEND ANERS MÅKT: In 1995, as ik dicht an 20 jår har, däir ik sër andenke an wat ik måke wul im mijn leewend. Ik däir ales oiwer dai rastafári lëre. Wek fon dës daile däire oiwer dai Bijbel fortele, åwer wat dår uutdüürt wäir, har nischt upsich for mij. Soo, häw ik anfånge dai Bijbel alaine leese.

Nåheer, mij amigo wat uk rastafári wäir, hät mij air bauk geewt fon Jehovaas Tüügen taum dai Bijbel lëre. Ik häw dat bauk alaine studijrt t’hoop mit dai Bijbel. Nåheer, häw ik Jehovaas Tüügen kent un häw anfånge mit eer dai Bijbel lëre.

Ik häw mij sër anstrengt taum wënige drinke un anhule ane rooke. (2 Coríntios 7:1) Ik bün feel beeter woore, häw mij hår afsneere, häw anhule soigisch daile un filmes mit strijrerig kijke un häw uk anhule soigisch daile säge. (Efésios 5:3, 4) Mitm tijd, häw ik sogår anhule dai wite lüür hasse. (Atos 10:34 un 35) Taum dës ümstelen måke häw ik anhule musik hööre wat mij taurere däire dai wite hasse un häw müst anhule ümgang häwe mit lüür wat mij andrijwe däire måke, dat wat ik airst måke däir.

Nåheer as ik dat ümstelen måkt häw, häw air stel söcht woo Jehovaas Tüügen sich forsamle däire un häw sägt ik wul air for eer sin. As ik uutsöcht häw mij tauwe låte, dat hät mijn familg ni gefale. Mij mama hät sägt ik küün irgends air religion uutsuike, wat säge däir dat Jësus någäit, åwer ni Jehovaas Tüügen. Mijn fründ wat taum dai regirung arbëre däir, däir dai gans tijd oiwer slecht reere dat ik t’hoop wäir mit Jehovaas Tüügen.

Lëre oiwer woo Jësus dai lüür behandle däir un nå sijn formånen leewe, hät mij hulpe waite wosoo behandle dai lüür wat gëgen mij wäire un uk oiwer mij spote däire. As ik saie häw dat dat wat Jehovaas Tüügen inlëre daue fone Bijbel kümt, häw ik sicherhët hat dat dai wår religion fuune har. Soo as ine Bijbel stäit, sai daue taum der andrer preege. (Mateus 28:19, 20 un Atos 15:14) Sai daue uk ni sich t’hoopmische mit dai politik. (Salmo 146:3, 4 un João 15:17 un 18)

WOO DAI BIJBEL MIJ HULPE HÄT: Lëre nå dai belërungs fone Bijbel leewe, hät mij wirklig hulpe. Ik häw ni mër drogas rookt un dårmit häw ik feel gild up månat spårt. Nuu däir ik ni mër forneeme dat wat ik forneeme däir as ik droga benutse däir, mijn gedanke un körper sin gesuuner woore.

Nuu hät mij leewend wat upsich, dat wäir air dail wat ik al häwe wul as ik jong wäir. Åwer, wat mëre wërd hät, is dat ik nööge an God kåme bün. (Tiago 4:8)

 [Groot sriwt]

Taum ümstelen måke ine leewend is nöörg wääst anhule musik hööre wat taurere däire dai wite hasse