Dai slime daile wat wij doirsete koine oos traurig låte, uphaupt wen dai sër lang duure daue. Davi wüst dat dai slime daile wat hai weegen Saul doirsete däir, wööre aine dag al. Hai har gloobe dat hai köönig ware däir, soo as Jehovaa forspråke har. (1 Sam 16:13) Davi sij gloobe hät em hulpe taum geduld häwe un luure dat Jehovaa dai daile int raich bringe däir.

Solang as wij slime daile doirsete, kan sin koine wij benutse wat wij kene, oos gedanke un forstand taum dai daile aners måke. (1 Sam 21:12 bet 14 un Pro 1:4) Åwer, wek slimhëte daue bijblijwe lijkerst wen wij ales måke daue wat wij koine nå dat wat dai Bijbel sägt. Wen dat soo is, wij muite geduld häwe un up Jehovaa luure. Bald, däit hai dai traurigkët almåke un ‘dai tråne fon oos oogen afwische’. (Apo 21:4) Wen wij frai fon oos problems blijwe weegen air dail wat Jehovaa måke däit, urer weegen andrer daile, dat blijwt sich glijk, wij koine sicherhët dåroiwer häwe: jërer slim dail wart aine dag al. Dit waite däit oos sër trööste.

KIJK DAI “AIR AINIG FOLK IN AINE WILD WOO DAI LÜÜR SICH NI AINIG SIN”. NÅHEER, DAU ANTWOORE:

• Wat fon slime daile häwe wek bruirers un swester ine sul fon Estados Unidos doirset?

• Wosoo häwe sai geduld un lijb weese?

• Wat häwe sai måkt taum nip kijke an dai daile wat “mëste wërd” häwe? (Fil 1:10)