Jå. Dai Bijbel däit klår låte dat dat air God giwt. Dai Bijbel däit oos taureere taum oos gedanke benutse taum gloobe häwe an God un ni bloos anglööwe an ales wat dai religione inlëre daue. (Romanos 12:1, 1 João 5:20, nåt) Saie as wek daile wat dai Bijbel sägt:

•   Dat dai Universo ales in ordnung is un dat dat leewend wist dat dår air is wat ales måkt hät. Dai Bijbel sägt: “Gewiss, jërer huus hät air buugt, åwer wee ales måkt hät is God wääst.” (Hebreus 3:4) Soo denke is ainfach, åwer feel wat sër lërt häwe, daue maine dat sai dår anglööwe koine. a

•   Dai lüür häwe in sich dai wünsch taum forståen woweegen wij leewe un wotau. Nog dat wij ales häwe daue wat oos körper bruuke däit, wij häwe dës wünsch nog. Dat is soo as dai Bijbel sägt dat wij God bruuke daue, hät besägen mit dem wile taum em kene un em dijne. (Mateus 5:3, Apocalipse 4:11) Dës wile däit ni bloos wijse dat wij God bruuke daue, åwer hai is uk air lijb God wat ales måkt hät un hai wil dat wij oos frööge dårmit. (Mateus 4:4)

•   Feel jåre trööguut dai Bijbel hät genau sägt wat passijre däir un dai sin ale soo genau passijrt. Kair mësch küün dit måke. (2 Pedro 1:21)

•   Dai wat dai Bijbel sreewe häwe, däire daile waite wat dai andrer ni forståe hare. Soo as, früüer däire dai lüür denke soo as dai Ër däir up aine tijr blijwe, soo as ain elefant, wijlswijr urer bule. Åwer dai Bijbel däit säge dat God “däit oiwer nischt dai ër hooglüfte.” (Jó 26:7) Dai Bijbel sägt dat dai Ër is air “ring” urer “rund”. (Isaías 40:22, Almeida, revista e corrigida, up briånisch) Feel lüür daue glööwe dat dai wat dai Bijbel sreewe häwe, däire dit waite weegen God har dit tau eer weese.

•   Bloos dai Bijbel däit feel swår fråge antwoore. Åne dës antwoord fijne kan sin dat ain mësch denke däit dat God ni giwt. Fråge soo as: Wen God lijb un kraft hät, woweegen giwt dat sofeel slechtigkët un nood upe wild? Woweegen daue dai religione dai lüür inreere taum wat slechtes måke un ni wat gaures? (Tito 1:16)