Ine Bijbel stäit ni dat woord “afdoktre”, åwer feel sprüüch wijse wat God maine däit oiwer dat leewend. Sogår dat leewend fon air klairkind wat nog ni geboore is.

 Dat leewend is air geschenk fon God. (Gênesis 9:6 un Salmo 36:9) Tau em, al dai lüür eer leewend hät feele wërd. Sogår air klairkind sij leewend ine muterslijf. Dårweegen air klairkind afdoktre wat nog ni geboore is, is dat neemlig as aine mësche doodmåke.

 Dai geboot wat God tau dai israeliten geewt hät, däir soo säge: “Wen sich twai kërls strijre un daue ain fruug stööte wat air kind luure däit, un wen dat kind uutetijd geboore wart, åwer wen ain unglük ni passijre däit, dai wat dat schuld hät, mut air loon betåle soo as der fruug eer kërl forlange däit, hai däit dat betåle doir dai juijs. Åwer, wen ain unglük passijre däit, wart leewend for leewend geewt.” (Êxodo 21:22 un 23) a

•  Wonair fängt dat leewend an?

•  Däit God ain fruug forgeewe wat al air klairkind afdoktert hät?

•  Un wen dat gefärlig is tau dem mama un dat klairkind sij leewend?

 Tau God, dat leewend fängt an glijk im anfang, wen ain fruug air klairkind luure däit. Feel sprüüch ine Bijbel wijse dat tau God, air klairkind in muterslijf is al air wat leewe däit. Wiman’s wek daile saie wat wijse daue dat aim klairkind sij leewend in muterslijf dat neemlig is as dat leewend fon air klairkind wat al geboore is.

•   God hät Davi lenkt taum soo sägen: “Dijn oogen häwe mij sogår saie as ik im muterslijf wäir.” (Salmo 139:16) Tau God, Davi wäir al soo as air mësch airer as hai geboore wäir.

•   Airer as dai profët Jeremias geboore wäir, God har sich al uutdacht em aine groote amt oiwergeewe. God hät tau Jeremias sägt: “Airer as ik dij in dijne mama eer muterslijf måkt häw, ik däir dij al kene. Un airer as duu geboore wäirst, ik häw dij apaart måkt. Häw dij profët tau dai folk måkt.” (Jeremias 1:5)

•   Lucas, air fon dai wat dai Bijbel sreewe häwe, wäir air dokter un hät dat neemlig woord up grego benutst taum fortele oiwer air klairkind in muterslijf un uk oiwer air klairkind wat geboore wäir. (Lucas 1:41, 2:12 un 16)

 God kan forgeewe ain fruug wat al air klairkind afdoktert hät. Wen dai nuu annimt wat God oiwer dat leewend maint, sai bruukt sich ni mër schuldig befijne. “Jehovaa is barmhärtsig un hät beduurnis . . . Soo wijdaf as dat sün upkåmen is fom sün uunergåen, soo wijdaf mökt hai oos süün fon oos weg.” b (Salmo 103:8 bet 12) Jehovaa däit ale forgeewe wat sich wirklig lëd daue fone süün, sogår dai wat air klairkind al afdoktert häwe. (Salmo 86:5)

 Soo as dat wat stäit ine Bijbel oiwer air klairkind sij leewend in muterslijf, is forkërd air klairkind afdoktre lijkerst wen dat kan gefärlig sin tau der mama un dem klairkind sij gesundhët.

 Silten, kan passijre dat uutsöcht ware mut wee leewig blijwt, dai mama urer dat klairkind. Wen dat soo is, wee dat uutsuike mut is dai kërl un fruug.