God kan ales saie. Hai kan uk måke wat hai wil up irgends ain stel. (Provérbios 15:3 un Hebreus 4:13) Åwer dai Bijbel däit ni inlëre dat God is in al daile un up jërer stel. Dai Bijbel däit inlëre dat God air mësch is un hai wånt up ain aigen stel.

•   Wosoo is God: God is air gaist. (João 4:24) Dai lüür koine em ni saie. (João 1:18) Dai saichen oiwer God wat ine Bijbel ståe, daue ümer wijse dat hai up ain aigen stel wånt. Ine Bijbel nij ais wart sägt dat hai up al stele is. (Isaías 6:1, 2 un Apocalipse 4:2, 3 un 8)

•   Dai stel woo God wånt: God wånt im himel, wat gans aners is as dai stel woo wij wåne. Is im himel woo God sijn aigen wånstel hät. (1 Reis 8:30) Dai Bijbel fortelt oiwer ain mål wat dai ängels “foir Jehovaa henkåme sin”. a Den, dit däit wijse dat God wånt up ain aigen stel. (Jó 1:6)

Wen God ni up al stel is, krijgt hai mij den behüütet?

 Jå. God däit sich sër bekümre mit jërer mësch. Lijkerst dat hai im himel wånt, God däit gaud uppasse nå jërer ainsig wat em gefale wil. God helpt dës lüür. (1 Reis 8:39 un 2 Crônicas 16:9) Dau saie wosoo Jehovaa wijst dat hai sich bekümret mit sijn reäl dijners:

•   Wen’s duu beere däist: Jehovaa kan dijn gebeed hööre up der selwig stuun as duu beere däist. (2 Crônicas 18:31)

•   Wen’s duu sër traurig un unruig büst: “Jehovaa is näig bij dai wat air forbråken härts häwe, hai däit dai wat ån lust sin rere.” (Salmo 34:18)

•   Wen’s duu belërung bruukst: Jehovaa “giwt dij forståen un däit dij inlëre” doir em sij Woord, dai Bijbel. (Salmo 32:8)

Loigen oiwer God dat hai up al stele is

 Loigen: Salmo 139:8 fortelt dat God up al stel is, weegen dår sägt: “Wen ik nåm himel gåe däir, dår wäirst duu; un wen ik mij in air graw lege däir, sogår dår wäirst duu!”

 Dai wårhët: Dës spruch fortelt ni dat God up al stele is. Dai spruch fortelt, doir lijblig wöör, dat Jehovaa oos helpe kan, hät nischt säge up wat fon stel wij sin.