Ine Bijbel stäit dat God wil dat dai lüür schåle sich ‘trööghule fone huurerig.’ (1 Tessalonicenses 4:3) Ine Bijbel, dat woord “huurerig” hät besägen mit wen air mësch forfrigt is un seks mökt mit ande mësche wat ni sij kërl urer sij fruug is, seks måke kërl mit kërl un fruug mit fruug un wen air kërl un ain fruug seks måke daue wat ni forfrigt sin.

•  Woweegen wil God dat kërl un fruug t’hoop forfrigt sin wen sai t’hoopwåne wile?

•  Schal air kërl un ain fruug t’hoopwåne airer as sich t’hoop forfrijge taum saie of sai sich bëd t’hooppasse?

•  Wosoo air fröölig forfrigt leewend häwe?

•   God hät dat forfrigt leewend inset. Hai hät dat måkt as hai der airste kërl un dai airst fruug t’hoop forfrigt hät. (Gênesis 2:22 bet 24) God wul ni dat air kërl un ain fruug t’hoopwåne däire ån dai sai forfrigt wäire.

•   God wät wat beeter tau oos is. Hai hät dat forfrigt leewend inset dat air kërl un ain fruug schule up ümer t’hoopleewe, dat däir ale ine familg helpe un behüüte. Denk an dës ainfach t’hoopmainen: soo as ain fabrik mitschike däit wek bläärer mit belërungs taum saie wosoo air dail genau t’hoopstele, dai belërungs fon God daue oos inlëre wosoo air fröölig forfrigt leewend häwe. Wee God sijn geboote horge däit, wart ümer beloont. (Isaías 48:17 un 18)

•   Seks måke wem man ni forfrigt is kan sër wat slimes ruutergeewe. Sai wek daile wat passijre koine: kåme taum air klair kind luure ån dat wile, krankhëte krijge wat dårfon kåme un sich sër slecht ine gedanke forneeme.

•   God hät der kërl un dai fruug dår soo tau måkt dat sai koine kiner häwe doir seks. Tau God, dat leewend is hailig. Dårweegen, dat dai lüür koine kiner häwe, dat is air geschenk mit groote wërd. God wil dat wij dësem geschenk wërd geewe doir dai daile soo måke as hai inset hät tau dem forfrigt leewend. (Hebreus 13:4)

 Taum air fröölig forfrigt leewend häwe, is ni nöörg “ain tijd taum uutpruiwen” häwe woo dai kërl un fruug koine uutananergåe ån wat tau dauen häwe air mitm ande. Gans aners, taum air fröölig forfrigt leewend häwe, dai kërl un fruug muite sich air an ande hule un t’hoop arbëre taum dai problëms oiwerståe. a Un forfrigt sin däit mithelpe dat air sich nog düler an ande hule däit. (Mateus 19:6)

 Dat giwt kair forfrigt leewend woo ales ümer richtig geewe däit. Åwer dai kërl un fruug wat forfrigt sin koine fröölig sin doir dai formånen fone Bijbel någåe. Sai wek fon dës formånen:

•   Dau dij düler bekümre mit dijn kërl urer fruug as mit dij selwst. (1 Coríntios 7:3 bet 5, Filipenses 2:3 un 4)

•   Daut juuch anstrenge taum jërer dag mër lijb un respekt air upm ande wijse. (Efésios 5:25 un 33)

•   Dau gaud denke airer as wat säge. (Provérbios 12:18)

•   Wäs geduldig un dau glijk forgeewe. (Colossenses 3:13 un 14)