Wee kümt ine himel?
Dai antwoord fone Bijbel
God hät ain grup reäl kristen uutsöcht dat nå een dood ware upleewt taum im himel leewe. (1 Pedro 1:3 un 4) Nå dem dat dai uutsöcht sin, dës kristen muite sich reäl hule un soo leewe as God gefale däit. Sai muite sich reäl hule dat sai dës beloone im himel krijge koine. (Efésios 5:5 un Filipenses 3:12 bet 14)
Wat ware dës uutgesöchte måke im himel?
Dës uutgesöchte kristen ware t’hoop mit Jësus arbëre soo as köönige un praisters up 1.000 jårelang. (Apocalipse 5:9, 10 un 20:6) Sai ware tauhööre tau dai “nijges himels” wat air himlisch regirung is un ware regijre oiwer dai “nijg ër” wat is al dai lüür wat ware leewe hijr upe Ër. Dai wat im himel regijre daue helpe dat dai lüür åne fëgels ware soo as God fon anfang an wul. (Isaías 65:17 un 2 Pedro 3:13)
Woo feel lüür ware upleewt taum im himel leewe?
Ine Bijbel stäit dat 144.000 lüür upleewt ware taum im himel leewe. (Apocalipse 7:4) In air saichen wat stäit in Apocalipse 14:1 bet 3 dai apostel João hät der “Jonge Schåp upm Sion barg ståen” saie “un mit em 144.000”. In dësem saichen dai “Jonge Schåp” bedüürt Jësus nådem dat hai upleewt woore is. (João 1:29 un 1 Pedro 1:19) Dai “Sion barg” bedüürt dai groot macht fon Jësus un fon dai 144.000 wat regijre t’hoop mit em im himel. (Salmo 2:6 un Hebreus 12:22)
Dës kristen wat ‘raupe woore sin un uutsöcht’ taum mit Jësus t’hoop im himel regijre, ware nent soo as “klain grup schåpfai”. (Apocalipse 17:14 un Lucas 12:32) Dit däit wijse dat sin man wënig wen wij dat t’hoopmaine mit al dai schåpe fon Jësus. (João 10:16)
Loigen oiwer dai wat im himel kåme
Loigen: Al dai gaure lüür kåme ine himel.
Wårhët: God hät forspråke dat dai mëste fon dai gaure lüür hijr upe Ër up ümer leewe ware. (Salmo 37:11, 29 un 34)
Jësus hät sägt: “Kair mësch is nåm himel gåe.” (João 3:13) Hai hät uk weese dat dai gaure lüür wat airer doodbleewe sin as hai soo as Abraão, Moisés, Jó un Davi, sin ni ine himel gåe. (Atos 2:29 un 34) Airer sai hare dai hofnung taum upleewt ware taum hijr upe Ër leewe. (Jó 14:13 bet 15)
Dat upleewen taum im himel leewe wart nent soo as dat “airst upleewen”. (Apocalipse 20:6) Dit däit wijse dat dat air anerd upleewen giwt, wat passijrt hijr upe Ër.
Dai Bijbel däit inlëre dat uuner God sij Regirung, “wart kain dood mër sin”. (Apocalipse 21:3 un 4) Im himel is nog ais kair doodbleewe, dårweegen dit wat God forspråke hät wart passijre upe Ër.
Loigen: Jërer mësch däit uutsuike woo dai leewe wil, im himel urer upe Ër.
Wårhët: Is God wat der uutsöcht taum “dat geschenk krijge” urer dai hofnung taum im himel leewe. (Filipenses 3:14) Hät nischt säge wen dai mësch sër gërn im himel leewe wil. Is God wat dat uutsuike däit woo dai leewe däit. (Mateus 20:20 bet 23)
Loigen: Dai hofnung taum upe Ër leewe is ni sër gaud. Weegen däit bloos leewe upe Ër wat ni wërd is ine himel kåme.
Wårhët: God nent dai lüür wat up ümer upe Ër leewe ware soo’s “mij folk”, “mijn uutgesöchte” un ‘wat seegen sin fon Jehovaa’. (Isaías 65:21 bet 23) Dës lüür ware der groote amt oiwersich häwe taum måke dat God sij wile passijrt dat ale ware åne fëgels un leewe in aim paradijs hijr upe Ër. (Gênesis 1:28, Salmo 115:16 un Isaías 45:18)
Loigen: Dai numer 144.000 wat stäit in Apocalipse is ain saichen ni soo as wij dai numers tele.
Wårhët: Is wår dat in Apocalipse feel numers saichen sin, åwer wek numers sin wirklig soo as wij dai tele. Soo as Apocalipse fortelt oiwer “dai nåmen fon dai 12 apostels fon dem Jonge Schåp”. (Apocalipse 21:14) Dau saie as woo duu waite kast dat dai numer 144.000 wirklig ain numer is.
Apocalipse 7:4 sägt oiwer “dai numer fon dai wat stämpelt woore sin” urer wat wirklig im himel leewe daue, is 144.000. Åwer in dai sprüüch foirwärds Apocalipse maint ain grup wat aners is. Dai spruch sägt oiwer “ain groot grup folk wat kair mësch telt krëg”. Dai wat tauhööre tau dëse “groot grup folk” ware uk rert for God. (Apocalipse 7:9 un 10) Den denk hijr an, wen dai Bijbel ain grup nent wat kair telt krijgt un ain grup wat wij tele koine, den kan man saie dat dës numer 144.000 ni bloos ain saichen is. a
Apocalipse sägt uk oiwer dai wat tauhööre tau dai 144.000 “sin fon dai lüür ruuterköft soo’s dai airste”. (Apocalipse 14:4) Dat woord ‘airste’ bedüürt air klain naig fon der groote hoope lüür wat upleewt ware. Dit woord dai ‘airste’ däit gaud t’hoopstime mit dai wat mit Jësus im himel regijre daue. Dit sin man wënig wen man dat t’hoopmaine däit mit dai lüür wat upe Ër leewe ware wat kair telt krijg. (Apocalipse 5:10)
a Dai schaullërer Robert L. Thomas hät dit bijståe as hai sägt hät oiwer dai numer 144.000 wat nent wart in Apocalipse 7:4: “Dit is ain numer wat wij tele koine aners as dai numer wat stäit in Apocalipse 7:9 wat wij ni tele koine. Wen wij dës numer uutdüüre däire soo’s ain saichen, den ni ain anerd numer in dësem bauk küün forståe ware soo’s wirklig ain numer.” - Revelation 1-7: An Exegetical Commentary (Apocalipse 1 bet 7: Um Comentário Exegético up englisch), sijr 474.
Kan sin dat dit dij uk gefale däit
ESSENTIAL BIBLE TEACHINGS
Wat Is God Sij Regirung?
God sij Regirung wäir woo Jësus mëst oiwer fortele däir as hai dai lüür inlëre däir. Fon Jësus sijn tijd bet hüüt hen, daue dai lüür beere dat God sij Regirung kåme schal.
