DAI JUUGENDE DAUE FRÅGE
Bruud urer bruudman häwe - Stük 1 - Bün ik hijr trecht tau?
Wat is ain bruud urer bruudman häwe?
Wek lüür wile ain bruud urer bruudman häwe taum dårmit tijd fordrijwe. In dës artikel wen wij säge ain “bruud urer bruudman häwe”, dit wil säge dat ain fruug un kërl wile sich gaud t’hoop kene taum frijgen urer ni. Den, ain bruud urer bruudman häwe is ni bloosig t’hoop mit aim sin, åwer dat hät wat upsich.
Mite tijd dai bruud un bruudman muite uutsuike of sai frijge urer uutmåke daue. Sai muite trecht sin taum ain fon dës twai daile måke.
Wat’s duu lërt häst: Wen’s duu denke däist duu büst trecht taum ain bruud urer bruudman häwe, den must duu uk denke duu büst trecht taum frijgen.
Dai bruud un dai bruudman wat ni im wile häwe sich frijge, is soo as air mësch wat arbëd söcht, åwer wil ni der arbëd häwe
Büst duu trecht taum ain bruud urer bruudman häwe?
Wen ain bruud un bruudman frijge wile, sai muite andenke an dai gaure moors wat sai häwe koine taum air gaur forfrijgt leewend häwe. Den, dau an dës daile hijr uuner andenke:
Ümgang häwe mite familg. Wosoo däist duu dijn papa, mama, bruirers un swesters behandle uphaupt wen’s duu wüütend büst? Dit däit dij wijse wosoo as duu dijn fruug urer kërl foiruut behandle däist.
Dai Bijbel sägt: “Daut hijnerlåte al sort nådrågen, argren, wuut, bölkerig, un schimpwöör, t’hoop mit al slechtigkët.” (Efésios 4:31)
Fråg dij: ‘Maine mijn papa un mama un mijn bruirers un swesters dat ik eer gaud behandle dau? Wen ik mij fortööne dau mit aine fon mijne familg, krijg ik mit ruig fortelt urer dau ik wüütend ware?’
Wen’s duu ni gaud fortelt krijgst inenaner mit dijn papa un mama, krijgst duu dat nåheer måkt mit dijn fruug urer kërl?
Ni ümer dai daile måke soo as duu wilst. Wen’s duu frijge däist, duu must saie wat laiwe dijn fruug un kërl häwe wil un ni ümer dai daile måke genau soo as duu wilst.
Dai Bijbel sägt: “Dat jërer ainsig bijblijwt ni sijne aigen wile suike, åwer der ande mësche sijne.” (1 Coríntios 10:24)
Fråg dij: ‘Dau ik mij anstrenge dat ales måkt wart soo as ik wil? Urer, dau ik dat anneeme wen dat wat dai andrer wile is aners as dat wat ik wil? Dai daile wat ik måke dau, daue wijse dat ik mij mër bekümre mit dai andrer as mit mij?’
Gewöönlig sin. Ain gaur fruug urer kërl däit anneeme wen dai forkërd is un dau forgeewen forlange.
Dai Bijbel sägt: “Wij ale daue oos feelmåls forhåke.” (Tiago 3:2)
Fråg dij: ‘Is licht tau mij anneeme dat ik forkërd bün? Dau ik wüütend urer traurig ware wen mij air formåne däit?’
Gild. Feel fruuges un kërls daue sich ni inenaner forståe weegen dem gild. Wen’s duu gaud dij gild benutse forstäist airer dat’s duu frijge däist, duu krijgst dat uk måkt wen’s duu frijge däist.
Dai Bijbel sägt: “Wen’s duu aine turm buuge wilst, däist duu dij ni airste hensete taum t’hoopreekne wat dai kost taum saien of’s duu sofeel häst taum der trecht buuge?” (Lucas 14:28)
Fråg dij: ‘Ik geew uut bloosig wat ik häw urer häw ik ümer feel schulden? Dat wat ik måke dau, däit wijse dat ik gaud mij gild benutse dau?’
Gloobe. Wen’s duu Jehovaas Tüügen büst, is sër gaud dat’s duu jërer dag dai Bijbel leese un studijre däist un ümer up dai forsamlung sin.
Dai Bijbel sägt: “Fröölig sin dai wat waite dat sai God bruuke daue.” (Mateus 5:3)
Fråg dij: ‘Dau ik mijne gloobe alaine stärke urer bruuk ik der andrer sijn hülp? Dau ik låte dat andrer daile mij forstööre daue taum mijne gloobe stark måke?’
Wat’s duu lërt häst: Wen air ain bruud urer bruudman häwe wil, muite sich anstrenge taum gaure moors häwe un trecht sin taum frijgen, weegen mit dem wat’s duu frijge däist is dit wërd. Wen’s duu dij anstrenge däist taum soo’ne mësch sin, kan sin duu däist aine mësch fijne wat dit uk måke däit.
