Dai Centro de controle e prevenção de doenças fon Estados Unidos hät ruuterfuune dat dai hälwte fon dai juugende tüschen 15 un 19 jåre häwe sägt soo’s sai häwe al seks oral måkt. a In dat bauk Sexo oral é o novo beijo de boa noite (Up englisch) Sharlene Azam hät sägt: “Wen’s duu fortele däist mit dai juugende oiwer seks oral, sai säge tau dij soo’s dat is ni forkërd, tau eer seks oral is kain seks måke.”

•  Wat mainst duu?

•  Wat is dai wårhët?

•  Woweegen must duu dij hijr mit bekümre?

 Dau “jå” urer “në” dai frågen hijr uuner antwoore.

1.   Wen air määke seks oral måke däit kan sai dår air kind mit luure?

   1.   Jå

   2.   Në

2.   Seks oral måke kan krankhët anhake?

   1.   Jå

   2.   Në

3.   Seks oral måke is dat neemlig as seks måke?

   1.   Jå

   2.   Në

 Sai ais of dat wat’s duu antwoort häst richtig is.

1.   Wen air määke seks oral måke däit kan sai dår air kind mit luure?

    Antwoord: Në. Dårweegen feel lüür daue maine soo’s seks oral måke dat is ni gefärlig. Åwer sai sin forkërd.

2.   Seks oral måke kan krankhët anhake?

    Antwoord: Jå. Air mësch wat seks oral måke däit kan hepatite (A urer B) krijge, kan wrate krijge mank bain, gonorreia, herpes, HIV un sífilis krijge.

3.   Seks oral måke is dat neemlig as seks måke?

    Antwoord: Jå. Seks måke hät uk besägen mit seks oral, seks anal, un aine ande mësch mank bain fåte taum lust krijgen.

 Sai ais wek bijblisch sprüüch wat hijr mit besägen häwe.

 Dai Bijbel sägt: ‘Weegen dit is God sij wile: dat jij . . . juuch fon dai huurerig trööghule.’ (1 Tessalonicenses 4:3)

 In dai språk woo dai Bijbel sreewe woore is dat woord “huurerig” hät besägen mit al sort seks måke mank lüür wat ni forfrigt sin, sogår seks oral un seks anal måke un aine ander mësch mank bain fåte taum lust krijge. Wee huurerig måke däit kan feel slechte daile dårmit krijge, un dai slechst fon dës is dai kan kaine gaure ümgang mër mit God häwe. (1 Pedro 3:12)

 Dai Bijbel sägt: “Wee huurerig bedrijwe däit mökt süün gëgen sijm aigen körper.” (1 Coríntios 6:18)

 Seks oral måke kan oose körper un gloobe schåre. Un kan uk oos gedanke schåre. Dat bauk Falando de sexo com seus filhos (Up englisch) sägt oiwer dai slechte forneemen wat air fornimt wen dai seks måke däit wen sai dat ni måkt har müst, dat däit dem lëd, un denkt kair däit sich bekümre oiwer wat dai fornimt. Dat neemlig däit passijre mit dai wat al sort seks måke daue, sogår seks oral.

 Dai Bijbel sägt: “Ik, Jehovaa, bün dij God, dai wat dij inlërt wat beeter tau dij is.” (Isaías 48:17)

 Mainst duu dat God sijn leis oiwer seks måke daue dij behüüte? Urer sin dat tau streng? Taum dij helpe, denk ais an aine stråt woo feel lüür fuire daue, up dai stråt sin feel placas wat säge daue woo rasch as duu fuire must un woo’s duu anhule must. Wen’s duu un dai andrer sich ni ankëre daue an dës placas, wat däit passijre?

 Dat neemlig däit passijre mit God sijn leis. Wen’s duu dai ni horge däist, duu däist ernte wat’s duu plant häst. (Gálatas 6:7) Susan Browning Pogany in sij bauk wat fortele däit oiwer seks hät sreewe dat wen’s duu forachte däist dai moors woo’s duu uptrekt woore büst un dai daile woo’s duu anglööwe däist, “un daile måke wat dij nåheer lëd daue, däist duu dij ni wërd geewe.” Åwer wen’s duu God sijn leis horge däist duu däist wijse dat’s duu air fornünftig mësch büst. Mër as dit duu warst ain gaur forstand häwe. (1 Pedro 3:16)