प्रार्थनापूर्वक अनि मन लगाएर तयारी गर्नुहोस्‌। आफूमा होइन, आफूले सुनाउने सन्देशमा ध्यान दिन सकूँ भनेर प्रार्थना गर्नुहोस्‌। श्रोतालाई बुझाउनुपर्ने मुख्य कुराहरू मनमा राख्नुहोस्‌। आफ्नै शब्दमा विचार व्यक्‍त गर्नुहोस्‌; वाक्यहरू जस्ताको तस्तै पढ्‌ने नगर्नुहोस्‌।

मनैदेखि बताउनुहोस्‌। श्रोताले तपाईँको सन्देश सुन्‍नु किन जरुरी छ भनेर विचार गर्नुहोस्‌। आफ्नो ध्यान श्रोतामा केन्द्रित गर्नुहोस्‌। त्यसो गर्नुभयो भने तपाईँको हाउभाउ, इसारा र अनुहारको भावमा तिनीहरूप्रतिको चासो अनि मित्रैलोपना देखिनेछ।

श्रोतालाई हेर्नुहोस्‌। यदि श्रोतालाई अप्ठेरो लाग्दैन भने कुराकानीको दौडान तिनीहरूको अनुहारमा हेरेर बोल्नुहोस्‌। भाषण दिँदा सबै श्रोतालाई सरसरती हेर्नुको साटो एक पटकमा एक जनालाई हेर्नुहोस्‌।