यहोसु १६:१-१०
१६ गोला हाल्दा+ युसुफका सन्तानको भागमा परेको इलाका+ यरिहोको नजिक यर्दनबाट सुरु भएर यरिहोको पानीको मुहानको पूर्वतिरदेखि यरिहोको अगाडि निर्जनभूमि हुँदै बेथेलको पहाडी इलाकासम्म फैलिएको थियो।+
२ अनि त्यहाँबाट लुज नजिकैको बेथेल र अरकीहरूको सिमाना अतारोथसम्म पुगेको थियो।
३ त्यसपछि पश्चिमतिर याफ्लेतहरूको सिमानाबाट तल्लो बेथ-होरोनतिर+ झरेर गेजेर+ हुँदै महासागरलाई* छोएको थियो।
४ यसरी युसुफका सन्तान+ मनस्सेको कुल र एप्रैमको कुलले आ-आफ्नो भाग लिए।+
५ एप्रैमका सन्तानले आफ्नो घरानाअनुसार पैतृक सम्पत्तिको रूपमा पाएको इलाकाको सिमाना यो थियो: पूर्वतिर अतारोथ-अद्दारदेखि+ माथिल्लो बेथ-होरोनसम्म+
६ र त्यहाँबाट महासागरसम्म; उत्तरमा मिक्मेथाथ+ हुँदै पूर्वतिर मोडिएर तानथ-सिलो र यानोहसम्म;
७ त्यसपछि यानोहबाट तलतिर अतारोथ र नाराह हुँदै यरिहो+ अनि यर्दनसम्म
८ अनि तप्पुहदेखि+ पश्चिमतिर कानाह वादी* हुँदै महासागरसम्म।+ एप्रैमको कुलले आ-आफ्नो घरानाअनुसार पैतृक सम्पत्तिको रूपमा पाएको इलाका यही हो।
९ मनस्सेको कुलले पैतृक सम्पत्तिको रूपमा पाएको इलाकाभित्र पनि एप्रैमका सन्तानले सहरहरू र वरपरका बस्तीहरू पाएका थिए।+
१० तर तिनीहरूले गेजेरमा बस्ने कनानीहरूलाई भने खेदेनन्।+ त्यसैले कनानीहरू अहिलेसम्म एप्रैमको कुलसँगै बसोबास गर्दै आएका छन्।+ अनि एप्रैमको कुलका मानिसहरूले कनानीहरूलाई जबरजस्ती मजदुरी गर्न लगाएका छन्।+
