साथी भनेको “प्रेम र श्रद्धाले आफूसित बाँधिएको व्यक्‍ति” हो। उदाहरणको लागि, दाउदले गोल्यतलाई मारेपछि तिनी र जोनाथनबीच गहिरो मित्रता गाँसियो। (१स १८:१) तिनीहरू दुवैले एकअर्कालाई मन पर्ने गुणहरू देखाए। त्यसैले गहिरो मित्रता गाँस्न साथीलाई राम्ररी चिन्‍नुपर्छ। कुनै व्यक्‍तिलाई चिन्‍न समय र प्रयास चाहिन्छ। तर सामाजिक सञ्जालमा “साथीहरू” बनाउन खासै गाह्रो छैन, एक क्लिकको भरमै साथीहरू बनाउन सकिन्छ। सामाजिक सञ्जालमा मानिसहरूले सजिलै आफ्नो वास्तविकता लुकाएर असल व्यक्‍ति भएको ढोङ गर्न सक्छन्‌। त्यसैले कस्तो व्यक्‍तिलाई साथी बनाउने भनेर पहिल्यै विचार पुऱ्‍याउनु राम्रो हो। राम्ररी नचिनेका व्यक्‍तिहरूले तपाईँलाई अनलाइन साथी बनाउन खोज्दा तिनीहरूको चित्त दुख्ला कि भनेर त्यस्ता अनुरोधहरू इन्कार गर्न नहिचकिचाउनुहोस्‌। कसै-कसैले सम्भाव्य खतराहरू विचार गरेकोले सामाजिक सञ्जाल चलाउँदै नचलाउने निर्णय गरेका छन्‌। तर यदि तपाईँ सामाजिक सञ्जाल चलाउन चाहनुहुन्छ भने कुन कुरामा विचार पुऱ्‍याउनुपर्छ?

सामाजिक सञ्जालको खतराबाट जोगिनुहोस्‌ भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• कमेन्ट र फोटो पोस्ट गर्नुअघि कुन कुरा विचार गर्नुपर्छ?

• अनलाइनमा कसैलाई साथी बनाउनुअघि किन विचार पुऱ्‍याउनुपर्छ?

• कतिबेर सामाजिक सञ्जाल चलाउने भनेर किन समय तोक्नुपर्छ?—एफि ५:१५, १६