“Oshilongo shoye nashi ye” — Egalikano ndyoka hali galikanwa kaantu omamiliyona
Owa galikana ngaa nale Oshilongo shaKalunga shi ye? Uule womathelemimvo, aantu omamiliyona oya kala nokugalikana taya ti: “Oshilongo shoye nashi ye.” Omolwashike ya kala nokugalikana ngawo? Oshoka Jesus okwa lombwela aalanduli ye ya galikane kombinga yasho.
Petameko, aalanduli yaJesus kaya li yu uvite ko ashihe shoka a popi kombinga yOshilongo shaKalunga. Oshikando shimwe oya li ye mu pula ya ti: ‘Omuwa, opethimbo tuu ndika to dhikile ishewe Israel Oshilongo?’ Otashi vulika ya li ya kumwa sho Jesus inee ya pa eyamukulo lyu ukilila. (Iilonga 1:6, 7, yelekanitha OB-1954) Mbela shoka osha hala kutya katu na esiku tu ka tseye kutya Oshilongo shaKalunga oshike nosho wo kutya otashi ya uunake? Hasho nando!
Oshifo shika shOshungolangelo otashi tu kwathele tu mone omayamukulo komapulo taga landula:
Omolwashike twa pumbwa Oshilongo shaKalunga?
Olye Omukwaniilwa gwOshilongo nenge gwUukwaniilwa waKalunga?
Uukwaniilwa waKalunga otawu ka pangela evi uunake?
Uukwaniilwa waKalunga otawu ka gwanitha po shike?
Omolwashike wu na okuhogolola okwaambidhidha Uukwaniilwa waKalunga ngashingeyi?
Oshilongo shaKalunga oshike?
Opu na ishewe uuyelele mbuka
ESSENTIAL BIBLE TEACHINGS
Uukwaniilwa waKalunga oshike?
Sho Jesus a li tu uvitha kombanda yevi, okwa popi unene kombinga yUukwaniilwa waKalunga shi vulithe iinima yilwe. Uule womimvo omathele aalanduli ye oya kala nokugalikana Uukwaniilwa mboka wu ye.
