Otwa pumbwa uuyuni uupe!
Amushanga gwIigwana ya Hangana, António Guterres, okwa tile: “Otu li muuyuni wa piyagana.” Ondi inekela nangoye oto tsu kumwe noohapu dhe.
Olundji moonkundana ohatu uvu mo iinima iiwinayi ngaashi
Omikithi, mwa kwatelwa ndhoka dhomikwawu
Iiponga yopaunshitwe
Oluhepo nosho wo ondjala
Ekakeko lyombepo nosho wo elunduluko lyonkalo yombepo
Omiyonena, elongithonkondo nosho wo uulingilingi
Iita
Oonkalo ndhoka otadhi ulike kutya otwa pumbwa uuyuni uupe, moka tamu ka kala:
Aantu ye na uukolele
Yu uvite ya gamenwa
Ye na iikulya ya gwana
iYe li momudhingoloko gwa yela
Ayehe taya ungaungiwa nayo pauyuuki
Ayehe kombanda yevi yu uvite ombili
Uuyuni uupe oshike naanaa?
Oshike tashi ka ningilwa uuyuni mbuka tu li mu wo ngashingeyi?
Oshike tu na okuninga, opo tu ka kale muuyuni uupe?
Oshungolangelo ndjino otayi gandja omayamukulo gomapulo ngoka nosho wo galwe ge ga pamba, okuza mOmbiimbeli.
Opu na ishewe uuyelele mbuka
OSHUNGOLANGELO
Omolwashike twa pumbwa Oshilongo shaKalunga?
Uuna aantu inaaya gwanenena tayi ipangele, ohapu holoka aluhe omaupyakadhi.
