Okugongalo kwiilonga yomomapya nosho wo kwegongalo, oku li omasiloshimpwiyu ga za kuJehova, mpoka hatu mono ompito yokuulukilathana ohole nokulongelathana uuwanawa. (Heb 10:24, 25) Okugongala kwiilonga yomomapya oku na owala oku ningwa muule wominute 5 sigo 7, hoka kwa kwatela mo okuunganeka oongundu, okuulika kutya oshitopolwa shini tashi ka longwa nokugalikana. (Uuna kwa landula okugongala kulwe kwegongalo, oku na nokuli okukala okufupi lela.) Omukwatelikomeho oku na okwiilongekidha sha, shoka tashi vulu okukwathela mboka taya yi miilonga yokuuvitha esiku ndyoka. Pashiholelwa, mOlyomakaya uuna oyendji mboka ye ya kelongekidho kaya li po mehuliloshiwike lya zi ko, otashi ka kala oshiwanawa wu kale wi ilongekidha shoka to ka popya. Iinima yimwe yini tamu vulu okukundathana, mbyoka tayi vulu oku mu kwathela?

• Oshiholelwa shoonkundathana mokafo Onkalamwenyo yopaKriste niilonga yetu yokuuvitha — Okafo kokulongithwa pokugongala

• Nkene tu na okutameka oonkundathana, tatu longitha oshiningwanima opo sha ningwa nenge oonkundana dhontumba

• Nkene tu na okuyamukula omuntu ngoka inaa hala okupulakena

• Nkene tu na okuyamukula omuntu ngoka inaa itaala muKalunga, ngoka i itaala moevolusi, ngoka ha popi elaka lilwe nenge ngoka e li melongelokalunga ndyoka kaali shiwike naanaa moshitopolwa sheni

• Nkene tu na okulongitha epandja lyetu lyokointaneta, jw.org, opolohalama JW Library nosho wo Ombiimbeli

• Nkene tu na okulongitha shimwe shomiilongitho yomokaketha ketu kiilongitho yomuukalele

• Nkene tatu vulu okuuvitha momikalo ngaashi okupitila mongodhi, okunyola oontumwafo, okugandja uunzapo womontaneho, okuninga omaishunoko nosho wo omakonakonombiimbeli

• Omadhimbulukitho ge na ko nasha negameno, okutifuka, omikalo omiwanawa, etaloko ewanawa nosho tuu

• Oshiilongomwa nenge okavidio okuza mokambo Longitha ethimbo lyoye mokulesha nosho wo mokulonga aantu

• Nkene tu na okutsa omukumo nokukwathela ngoka tatu longo naye muukalele

• Enyolo ndyoka tali popi kombinga yuukalele nenge oshimoniwa shomuukalele tashi tsu omukumo