Mondjokonona ayihe, aapiya yaJehova oya kala nokulonga iilonga iikumithi kekwatho lye, ihe hakoonkondo dhawo yene. Momumvo 1954, ehangano lyaJehova olya li lya pititha ofilima yi na oshipalanyolo The New World Society in Action (Uulipamwe wuuyuni uupe tawu ulikwa miilonga). Ofilima ndjoka oya li ya ningwa kAabetel mboka kaaya li ye na ontseyo ya sha yokuninga oofilima. Oshilonga shika oshidhigu osha li owala sha gwanithwa po, omolwekwatho lyombepo ondjapuki yaJehova. Shika otashi tu tsu omukumo kutya ngele otwa kala tu na einekelo muJehova, otatu vulu okupondola moshinakugwanithwa kehe tatu pewa. — Sak 4:6.

TALA OKAVIDIO OKWEETWA PO “KUULIPAMWE WUUYUNI UUPE TAKU ULIKWA MIILONGA,” E TO YAMUKULA OMAPULO NGAKA:

• Omolwashike kwa ningwa etokolo ku ningwe ofilima kombinga yoombelewa dhetu oonene?

• Ofilima oyu ulike ngiini kutya oBetel oya fa olutu lwomuntu? — 1Kor 12:14-20

• Omashongo geni aamwatate ya mono sho taya ningi ofilima, noye ga sindi ngiini?

• Oshimoniwa shika otashi tu longo shike kombinga yombepo ondjapuki yaJehova?