OSHILESHWA 60
Tsikila okuhedha popepi naJehova
Sho wa kala to konakona Ombiimbeli, owi ilongo oshindji kombinga yaJehova. Ashihe shoka wi ilonga oshe ku inyengitha wu kale wu mu hole noonkondo notashi vulika nokuli we mu iyapulila nowa ninginithwa. Nongele ino ninginithwa natango, otwi inekela kutya masiku oto ningi po sha. Ihe uuna wa ninginithwa, itashi ti kutya ino pumbwa we okuhedha popepi naJehova. Oto vulu okutsikila okuhedha popepi naye sigo aluhe. Ngiini mbela?
1. Omolwashike wa pumbwa okutsikila okukoleka ekwatathano lyoye naJehova?
Otu na okulonga nuudhiginini, opo tu tsikile okukoleka ekwatathano lyetu naJehova. Omolwashike mbela? “Opo twaa falafalwe” kokule naye. (Aahebeli 2:1) Oshike tashi vulu oku tu kwathela tu tsikile okulongela Jehova nuudhiginini? Otatu vulu okukala twi ipyakidhila niilonga yokuuvitha nokukonga omikalo dhilwe moka tatu vulu oku mu longela nomutima aguhe. (Lesha Aafilippi 3:16.) Okulongela Jehova oko oshinima sha dhenga mbanda. — Episalomi 84:10.
2. Oshike ishewe wa pumbwa okuninga?
Nonando owu li pokumana okukonakona embo ndika, owa pumbwa okutsikila okuninga omalunduluko monkalamwenyo yoye wu li Omukriste. Ombiimbeli otayi ti kutya otwa pumbwa ‘okuzala omuntu omupe.’ (Aaefeso 4:23, 24) Sho to tsikile okukonakona Oohapu dhaKalunga nokukala pokugongala, oto ki ilonga iinima iipe kombinga yaJehova nosho wo omaukwatya ge. Tala kutya omomikalo dhini to vulu okuholela omaukwatya ge monkalamwenyo yoye. Tsikila okuninga omalunduluko, opo wu mu nyanyudhe.
3. Jehova ote ke ku kwathela ngiini wu ninge ehumokomeho?
Ombiimbeli oya ti: “Kalunga. . . ote mu longekidha, te mu pe oonkondo, te mu koleke note mu tula kekankameno lya kola.” (1 Petrus 5:10) Atuheni otatu ka makelwa tu ninge iinima ya puka. Ihe Jehova ohe tu pe kehe shoka twa pumbwa, opo tu sinde omamakelo. (Episalomi 139:23, 24) Oku uvaneka kutya ote ke ku pa ehalo noonkondo, wu tsikile oku mu longela nuudhiginini. — Lesha Aafilippi 2:13.
ILONGA OSHINDJI
Tala nkene to vulu okutsikila okuninga ehumokomeho nankene Jehova te ke ku laleka nuuyamba.
4. Tsikila okupopya nokupulakena kuKuume koye kopothingo, Jehova
Egalikano nokukonakona Ombiimbeli oye ku kwathela wu ninge kuume kaJehova. Ongiini okugalikana nokukonakona Ombiimbeli taku ku kwathele wu hedhe popepi lela naye?
Lesha Episalomi 62:8, e tamu kundathana epulo tali landula:
-
Ongiini to vulu okuhwepopaleka omukalo moka ho galikana, opo wu koleke ekwatathano lyoye naJehova?
Lesha Episalomi 1:2, e tamu kundathana epulo tali landula:
-
Ongiini to vulu okuhwepopaleka omukalo moka ho lesha Ombiimbeli, opo wu koleke ekwatathano lyoye naJehova?
Oshike to vulu okuninga, opo wu mone uuwanawa mekonakonombiimbeli lyoye lyopaumwene? Opo wu mone omaetopo gamwe, dhana OKAVIDIO, e tamu kundathana omapulo taga landula.
-
Omaetopo gamwe geni ga popiwa mokavidio to vulu okulongitha?
-
Iikundathanwa yini wa hala okukonakona?
5. Itulila po omalalakano gopambepo
Ngele owi itulile po omalalakano sho to longele Jehova, otashi ke ku kwathela wu tsikile okuninga ehumokomeho. Dhana OKAVIDIO, opo nduno tamu kundathana epulo tali landula.
-
Ngaashi twa mono mokavidio, ongiini Cameron a mono uuwanawa momalalakano gopambepo ngoka i itulile po?
Hakehe gumwe ta vulu okutembukila koshilongo shilwe, oko e ku uvithile. Ihe nando ongawo, atuhe otatu vulu okwiitulila po omalalakano ngono tatu vulu okwaadha. Lesha Omayeletumbulo 21:5, opo nduno to tala kutya omalalakano geni wa hala okwiitulila po . . .
-
megongalo
-
nongele tashi ya pokuuvitha
Ongiini ekotampango ndyoka tali vulu oku ku kwathela wu adhe omalalakano goye?
Omalalakano ngoka to vulu okwiitulila po
-
Okuhwepopaleka omagalikano goye.
-
Okulesha Ombiimbeli ayihe.
-
Okukambadhala wu tseye aantu yomegongalo lyeni.
-
Okukala wu na omukonakonimbiimbeli.
-
Okukutha uukwathelikokolindjila nenge wu ninge omukokolindjila gwondjigilile.
-
Ngele ngoye omumwatate, itulila po elalakano lyokuninga omuyakuligongalo.
6. Kala nonkalamwenyo ombwanawa sigo aluhe
Lesha Episalomi 22:26, e tamu kundathana epulo tali landula:
-
Oshike to vulu okuninga, opo wu nyanyukilwe onkalamwenyo kunena nosho wo sigo aluhe?
OWI ILONGO SHIKE?
Tsikila okukoleka ekwatathano lyoye naJehova nokwiitulila po omalalakano gopambepo. Opo ihe oto ka vula okunyanyukilwa onkalamwenyo sigo aluhe!
Omapulo geendululo
-
Omolwashike to vulu okukala neinekelo kutya Jehova ote ke ku kwathela, wu tsikile oku mu longela nuudhiginini?
-
Ongiini to vulu okukoleka ekwatathano lyoye naJehova?
-
Ongiini okwiitulila po omalalakano gopambepo taku vulu oku ku kwathela wu ninge ehumokomeho?
UUYELELE WA GWEDHWA PO
Mbela Jehova okwa lenga mboka haya kala aadhiginini kuye onkalamwenyo yawo ayihe nenge oombono haye mu longele owala uule wokathimbo e taya etha?
Aapiya yaJehova aadhiginini nayo ohaya vulu okukanitha enyanyu. Tala nkene taya vulu ishewe oku li mona.
Mona ishewe enyanyu ndyoka wa li wa kanitha, mokukonakona nomokutedhatedha (5:25)
Ongiini to vulu okwiitulila po omalalakano gopambepo noku ga adha?
“Itulila po omalalakano gopambepo wu simanekithe Omushiti gwoye” (Oshungolangelo, 15 Juli 2004)
Omolwashike sha simana okukala Omukriste a pyokoka, nongiini to vulu oku shi ninga?
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
