Momasiku 27 Januali 2023, aantu oyendji otaya ka dhimbulukwa paigwana Edhipago lyaantu oyendji kAanazi. Iinima iinyanyalithi mbyoka ya ningwa omimvo 75 dha ka pita, otashi vulika yi ku ningithe wu dhiladhile kutya omolwashike Kalunga a etha aantu oyendji ya dhipagwe kAanazi.

•    Opo wu mone shoka Ombiimbeli tayi ti, lesha oshitopolwa “Why Did the Holocaust Happen? Why Didn’t God Stop It?”

 Aajuda oyo ya li unene iihakanwa medhipago enene ndyoka lya ningwa kAanazi. Aajuda omamiliyona oya li ya dhipagelwa owina. Aantu yomiigwana yilwe oya li wo ya hepekwa nokudhipagwa pethimbo lyedhipago ndyoka enene. Maantu mboka omwa kwatelwa Oonzapo dhaJehova, ndhoka dha li dha hepekwa, omolweitaalo lyadho lya kankamena kOmbiimbeli.

•    Opo wu ilonge oshindji, lesha oshitopolwa “Oshike sha li sha ningilwa Oonzapo dhaJehova pethimbo lyedhipago enyanyalithi ndyoka lya li lya ningwa?”

 Aantu oyendji ohaya kala ya tila kutya oshiningwanima ngaashi shoka shedhipago enyanyalithi, otashi vulu okuholoka ishewe. Lago enene, Ombiimbeli oya uvaneka kutya monakuyiwa iinima mbyoka iinyanyalithi itayi ka holoka we.

•    “Ongame awike ndi shi shoka nde mu dhiladhilila, omadhiladhilo gandje ogelago, hagomupya; otandi mu pe onakuyiwa netegameno.” — Jeremia 29:11. a

 Etegameno ndyoka otali ka gwanithwa, sho Jehova ta ka katuka onkatu a hulithe po uukolokoshi nokwoopalekulula shoka sha yonagulwa. Masiku ota ka:

•    Hanagula po mboka haya longele yakwawo omiyonena. — Omayeletumbulo 2:22.

•    Aludha ayehe mboka ya kala taya mono iihuna. — Ehololo 21:4.

•    Yumudhila mboka ya sa kombanda yevi. — Johannes 5:28, 29.

 Oto vulu okwiinekela etegameno tali hekeleke ndyoka li li mOmbiimbeli. Opo wu ilonge kutya omolwashike, otatu ku hiya wu kambadhale oonkundathana dhopaMbiimbeli ndhoka hatu ningi naantu oshali.