“Uvitha onkundana ombwanawa!”
Oshigongi shoshitopolwa shOonzapo dhaJehova shomo 2024
Okuya mo oshali • Ihapu umbwa ongalo
Iinenenima yiikundathanwa
Etitano: Otatu ka mona uumbangi mboka tawu ulike kutya onkundana ombwanawa ndjoka ya popiwa mOmavaangeli kombinga yaJesus otayi popi oshili yi ihwa po kombinga yonkalamwenyo ye. Otatu ka ilonga nkene omahokololo ngoka gomOmbiimbeli taga vulu oku tu etela uuwanawa kunena.
Olyomakaya: Oshike sha li sha hunganekwa kombinga yokuvalwa kwaJesus neputuko lye, na mbela omahunganeko ngono oga li ngaa ga gwanithwa po shili?
Osoondaha: Otapu ka gandjwa oshipopiwa shopaMbiimbeli shi na oshipalanyolo: “Omolwashike ihatu tila onkundana ombwinayi.” Otatu ka kwathelwa tu mone kutya omolwashike aantu oyendji kunena ye uvite ya gamenwa noye na omukumo kombinga yonakuyiwa, nonando oonkalo muuyuni otadhi nayipala.
Oshinyandwa
Onkundana ombwanawa kombinga yaJesus: Oshiluku sho-1
Uuyelele washili kuuyuni
Okuvalwa kwaJesus pashikumithalonga oku li owala oshiningwanima shotango shomiiningwanima oyindji mbyoka ya ningwa sho a li okanona. Opwa li omukwaniilwa gumwe ngoka a li ta kongo okanona, Jesus, e ka dhipage, onkee aavali ye oya yi naye ontuku kuEgipiti. Konima yethimbo, okwa li a kumitha aahongi aakuluntu yamwe yopethimbo lye nomukalo gwe gwokulonga aantu. Oshiningwanima shino nayilwe otayi ka ulikwa moshinyandwa shi na iiluku iyali, shoka tashi ka ulikwa mEtitano nomOlyomakaya.
Tala uuvidio tawu landula kombinga yoshigongi shoshitopolwa shonuumvo
Oshike hashi ningwa piigongi yetu yoshitopolwa?
Tala shoka hashi ningwa poshigongi shoshitopolwa shOonzapo dhaJehova.
Oshigongi shoshitopolwa shOonzapo dhaJehova shomo 2024, shi na oshipalanyolo: “Uvitha onkundana ombwanawa!”
Tala paufupi elandulathano lyoshigongi shoshitopolwa shonuumvo.
Okantoko koshinyandwa: Onkundana ombwanawa kombinga yaJesus
Aantu oyendji oye shi nawa ehokololo lyokuvalwa kwaJesus pashikumithalonga. Iinima yini ya li ya ningwa po komeho manga inaa valwa nokonima sho a valwa?