Ngoi mɛ e ndo di Ngbangɔ ko, elengbi ti salelangɔ ambeti ndɛ̃ ndɛ̃ ndɛ̃ mɛ e ndo manda ti nɛngɔ ya, e gbɔ̃ nda tɛnɛ mɛ e ndo di. Ta e ndo ye bo mandangɔ ni ti nɛngɔ ya, e ti na ndara ti Ngbangɔ ma. E ndo ye hĩngangɔ akpale ti ngbondoni na ndo seliye tɛ Yehova ti nɛngɔ ya, e ye lo gba. Ti nɛngɔ ya e li ni ko, elengbi ti hũndangɔ tɛrɛ e na ndo mɛ, ‘Aye mɛ vɛrse ti Ngbangɔ mɛ aha na mbi na ndo Yehova nɛ?’

Na ndakisa, mɔ lengbi ti kpãngɔ lɛ mɔ gba na ndo se mɛ Yehova ndo fa na seliye ti songo, ndara, mbilibili nga na ngunu tɛ lo. Kanda ta seliye tɛ lo ngbã bo ndo ko ma. Lo nga na aseliye mɛndɛ̃ ti nzɔ̃ni gba mɛ mɔ lengbi ti landangɔ ni. Mɔ lengbi ti luangɔ atɛnɛ gba mɛ aba seliye tɛ Yehova ka wa?

Ba aseliye tɛ lo ɔngɔ 50 mɛ kaya Index des publications des Témoins de Jéhovah gwe ka ndo mɛ asu, “Jéhovah” na gesi gwe ka bɛli tɛnɛ ti yakere “Qualités par nom.” Manda seliye mɛ amangbi na tɛnɛ mɛ mɔ ndo gi. (Se du ya, na yanga tɛ mɔ, ĩ bo na Buku ya bolukiluki mpo na Batatoli ya Yehova ko, gwe ka ndo mɛ asu “Yehova Nzambe.” Na gesi gwe ka bɛli tɛnɛ ti yakere “Bizaleli ya Yehova.”)