Ntoko nthokoronryaahu mmwaha ovirale, tahi wi malapelo oothene annamuhakalaliha Muluku. Nyenya nnanwerya omulapela Mpatuxa mmukhalelo onamuhakalaliha yoowo. Tuuvi ori “olapa [naari, malapelo]” anamuhakalaliha yoowo? (Tiyako 1:27) Muthokororye yeeyo Piipiliya onahusiheiye.

1. Malapelo ahu anaphwanela othipeleya mu eheeni?

Malapelo ahu anaphwanela othipeleya Mpiipiliyani. Yesu aaloca wa Muluku: “Masu anyu teeparipari.” (Yohani 17:17) Ikerexa ikina hasinachariha eparipari enaphwanyeya Mmasu ooveereliwa a Muluku, Piipiliya. Awo aaraceeliha ni mahusiheryo ni sookhovelela saachu. Nyenya Yehova hanasiveliwa ni yaale ‘ahinathokororya malamulo a Muluku.’ (Mwaalakhanye Marko 7:9.) Ninnamuhakalaliha Yehova, vaavaa malapelo ahu anathipeleyaaya Mpiipiliyani ni ochariha ikano sawe.

2. Hiyaano nni nimulapele hai Yehova?

Nnaphwanela omulapa pahiru Yehova, woona wi owo Mpatuxa ahu. (Wupulula 4:11) Eyo enataphulela wi nnaphwanela omusivela ni omulapela pahiru yoowo, nihipharihenle iruku naari soophwaniherya.—Mwaalakhanye Isaiya 42:8.

Omulapa wahu onaphwanela okhala “waweela woomuhakalaliha” Yehova. (Aroma 12:1) Ela enataphulela wi nnaphwanela okhala mwawiiwanana ni malakiheryo awe. Ntoko yootakiherya, yaale anamusivela Yehova annasivela nave annachariha malakiheryo awe vooloca sa othela. Nave annasepa meerelo oonanara, ntoko omulya soona, olya mirece, ni ohapaliwa. a

3. Ntakhara heeni ninnaphwanela omulapela Yehova vamoha ni alapeli akhwiihu?

Mithukumano sahu sa veeri va esumana sinnanivaha ekari ya ‘omuthamala Yehova . . . mu nikhucheni [naari mmulokoni].’ (Salumu 111:1, 2, NN) Mukhalelo mmoha wa weerano yeeyo ori moorweela wa wiipa macipo a omucicimihano Muluku. (Mwaalakhanye Salumu 104:33.) Yehova onnaniveka wi nithukumaneke woona wi owo onnanisivela nave oosuwela wi inamunikhaviherya opuha okumi okhala wookhala. Vaavaa nnathukumanaahu ninnaalipiha akina, nave tho awo annanilipiha.

 OHUSERYA MWAWIISEELA

4. Hannaphwanela opharihela iruku mmalapelo ahu

5. Wakhala wi nnamulapela Yehova pahiru, nnamutaphuwa orweela wa miruku sawootha

 6. Hiyaano ninnamulapela Muluku mmithukumano sa muloko

Ninnamucicimiha Yehova nave ninnaalipiha akina moorweela wa wiipa ni vaavaa nnavahaahu maakhulo mmithukumano sa muloko. Mwaalakhanye Salumu 22:22, nave voocharela muthokororye makoho ala:

• Apwanne munnasiveliwa wiiwa maakhulo mmithukumanoni?

• Mwaamusiveliwa wiirehererya wi mvahe naakhulo?

7. Yehova onnahakalala vaava nnalocaahu yeeyo nihusenryaahu

Aakhalavo meerelo oohiyanahiyana nneeraahu niwerye oloca iparipari sa Mpiipiliyani wa akina. Mwaalakhanye Salumu 9:1 ni 34:1, voocharela muthokororye nikoho nla:

• Echu taani muhusenryaanyu Mpiipiliyani mwaahaalaanyu osiveliwa omuleela muchu mukina?

 MUKWASU

Ninnamuhakalaliha Mpatusa ahu vaavaa nnamulapelaahu yoowo pahiru, nnamucicimihaahu mmithukumano sa muloko ni vaavaa nnaaleelaahu akina yeeyo nihusenryaahu.

Makoho awuuluulela

• Nni niwerye hai ohuserya mukhalelo wa omulapela Muluku mwaweemereryeya?

• Ntakhara heeni nnaphwanelaahu omulapela pahiru Yehova?

• Ntakhara heeni ninnaphwanela omulapela Muluku ni vamoha yaawo anachuna omuhakalaliha?