Naakhulo na nikoho nenla ninnavolowela mukhalelo nnoonaahu okumi.

Apwanne enniiwexexeya Muluku opatuxa elapo yooreera nave voocharela waapatuxa achu wi ehooxeyeke?

Vaavaa anuupuwelelaaya makacamiho mancipale arivovo, achu ancipale annakhalano minikwa vooloca sa Muluku. Awo annapacerya wuupuwela wi (1) Muluku haanono owerya wi amalihe makacamiho, (2) Muluku hanapwacha makacamiho ahu, naari wi (3) Muluku haawowo.

Apwanne miyoonelo seiha ti soophwanelela?

Muluku haanipatunxe wi nihooxeyeke.

Owo onachuna wi nikhaleno ekumi yaphaama.

“Koosuwela wi hiyaavovo enamureerela muchu ohikhanle olyavo ni ohakalala muukumini mwawe. Wa achu oothene, olya, owurya ni opuha mmitekoni mwaya eri yoovaha ya Muluku.”—EKLESIYASTE 3:12, 13.

Muluku aamvaha mutheli oopacerya soothene awo yaachunaaya wi ekhaleno okumi woohakalaliha.

Muluku haachunne wi awo ni anamwane aya ehooxeyeke.

“Muluku aahaareeliha ii: ‘Murelanesha, musareye elapo ya vathi nave muhooleleke.’”—MAPHATXUWELO 1:28.

Mutheli oopacerya aahithanla ohihooleliwaka ni Muluku.

Wa nthowa na yeeyo, awo yaahiiruuhela makacamiho mancipale vamoha ni anamwane aya oothene.

“Tiwi ocheka woovolowa mweelapo ya vathi mwa muchu mmoha, nave okhwa woovolowa mwa ocheka wu. Hiihaa okhwa, ohaaphwanya achu oothene vawi oothene aacheka.”—AROMA 5:12. *

Hinipakiwe wi nikhaleke ohirivo ohoolela wa Muluku.

Muchu hapatuxiwe wi iilamuleleke mukhateiye, hiihaa ntoko nipakiwaahu wi nihikhaleke mmaahini.

“Muchu havahiwe osuwela makuchuwelo awe nari weereranya meecelo awe.”—YEREMIYA 10:23.

Muluku hanachuna wi achu ehooxeyeke.

Ti nthowa nene owo onanivaheiye ikano sinanikhaviherya okhalano okumi woophwanelela wi nihikhaleno makacamiho mancipale.

“Mano wiiwelenle malamulo aka, murecele aa waamukhala ntoko macumusha a mphareya!”—ISAIYA 48:18.