MWIIVYAKIHE MMUTEKO WOOLALEERYA | MWAACEERERYE OHAKALALA WANYU MMUTEKO WOOLALEERYA
Mwaahusihe Oohuserya Anyu a Piipiliya Wiilyiha Omunepani
Wi naakhaviherye awo omusuwela Yehova ni okhala Akristu awunnuwa omunepani, oohuserya a Piipiliya anaphwanela ohuserya sincipale opwaha ororomela seiho nnaahusihaahu. (Mat 5:3; Ahe 5:12–6:2) Awo tho anaphwanela ohuserya mukhalelo wa wiilyiha mukhataaya omunepani.
Ovinyerya woopaceryani, nwoonihe oohuserya anyu a Piipiliya mukhalelo wa orehererya yoohuserya aya ya Piipiliya, nave mwaaceenyerye awo weerano yeeyo. (mwb18.03 epaax. 6) Mwaaceenyerye awo ovekela ehaakumve opacerya nikupa ti nikupa na yoohuserya aya ya muchu mukhateiye. Mwaakhaviherye awo ophwanya ni opharihela ikaruma sa mukhankoonya sa ohuseryano. Mutharihe mukhalelo wa otitelela ophwanya ichu ivyaani mu jw.org ni JW Broadcasting®. Mwaaceenyerye awo omwaalakhanyaka Piipiliya mahiku oothene, wiirehererya ntakhara mithukumano, ni otholathola maakhulo a makoho aya. Mwaakhaviherye awo wuupuwelela yeeyo anahuseryaaya.
MOONE EXILEMA MWAAKHAVIHERYE OOHUSERYA ANYU A PIIPILIYA WIILYIHA OMUNEPANI, NAVE VOOCHARELA MWAAKHULE MAKOHO ANACHARELA:
-
Tiheeni yaamweerinhe Nita omukhaviherya Flora woona wi ohuserya onnavolowela sincipale ohiya pahiru osuwela maakhulo?
-
Tiheeni yaamukhavihenrye Flora olekecheya wi Yehova ookhalano mathowa oophwanelela a okhwatiiha mararuwo?
-
Mmuhusihe oohuserya anyu a Piipiliya mukhalelo wa ohuserya sooleeliherya soochuneya ni mukhalelo wa opharihela seiho
Tiheeni Flora iiwexenxeiye vooloca sa wuupuwelela?
