MWIIVYAKIHE MMUTEKO WOOLALEERYA | MWAACEERERYE OHAKALALA WANYU MMUTEKO WOOLALEERYA
Mweemererye Nikhaviheryo Orweela wa Olapa Vamoha ni Anninyu
Wi anikhaviherye, Yehova oonivahererya ‘onnaahu omwalamwalenle mu elapo yoothene’ wa anna ni arokora ahu. (1Ped 5:9) Awo ananwerya onikhaviherya wi nivoothe makacamiho nnakumanaahuno mmuteko woolaleerya. Ntoko yootakiherya, murummwa Paulo aaphuravo orweela wa nikhaviheryo na Akila ni Priska, Sila, Timóteo, ni akina.—Saw 18:1-5.
Ti mwawiihai olapa vamoha ni anninyu a munroromeloni onookhaviheryayaani mmuteko woolaleerya? Awo ananwerya woovahaani sooleeliherya soophara muteko mmukhalelo wa ovootha waakaahiwa, opaka oxekurya, naari opaceryiha ni weeciha soohuserya sa Piipiliya. Mmuupuwele muchu a muloko anyu yoowo aahaala woovahaani nikhaviheryo nenlo munachunaanyu, nave mumveke wi ookhaviheryeeni. Moohikhwa minikwa oopiili anyu munahaala ophwanya mphurelo, nave munahaala waaceererya ohakalala wa mukina ni mukhwaawe.—Fil 1:25.
MOONE EXILEMA MPHWANYE OHAKALALA MU WAAPAKA OOHUSERYA—MWEEMERERYE NIKHAVIHERYO NA YEHOVA—ANNIHU, NAVE VOOCHARELA MWAAKHULE MAKOHO ANACHARELA:
-
Ti mwawiihai Nita eerenryeiye omuceenyerya Folora wi aphiye mmithukumano sa muloko?
-
Ntakhara heeni ninnaphwanela waawopa alaleeryi akina va yoohuserya ahu ya Piipiliya?
-
Eyo enneeriha muloko waapaka oohuserya
Mukhalelo taani woolikana Folora ni Apikayeli yaaryaayano?
-
Mavyakelo taani vooloca sa muteko woolaleerya anninyu anahaalaaya woohusihani?
