Apwanne munnasiveliwa opharihela ixilema ni makoho awuuluulela a liivuru Mpuhe Okumi Okhala Wookhala!? Hanka vooloca sa makupa “Achu Akina Ani,” “Yoolakelela,” ni “Otholathola”? Ikaruma taani ikina sinookhaviheryaani mmuteko anyu wa waapaka oohuserya?—Mat 28:19, 20.

Ixilema: Waakhanle wi mulakelenle weecihaka yoohuserya ya Piipiliya mumpharihelaka liivuru a wimpirimiiriwa, muni nwerye hai ophwanya ixilema soothene ni ikina? Mu liivuru a mukhankoonya, muthanle nikupa nimoha na makupa maxexe oochuneya. Orweela wa ocapunya elista sa miyaha ikhaani, munanwerya ophwanya ixilema soothene sa nikupa ti nikupa. (Moone eruku 1.)

Makupa a “Edição Impressa”: Wakhala wi munneeciha yoohuserya ya Piipiliya orweela mu ekhankoonya, nyuwaano munahaala okhaviheryeya moorweela wa opharihela makupa a “Edição Impressa” mu ilukuluku soohiyanahiyana variyari va yoohuserya ya Piipiliya. Mwaha ti mwaha, wookhalano apontu araru oochuneya va epaaxina yaawo munahaalaanyu waacapunya nave muthanle va “Edição Impressa.” Sooleeliherya seiha sinahaala wookhaviheryaani otitelela wuupuwelela vooloca sa miyaha muthokoronryaanyu moomalela wa mwaha ti mwaha wa ekapitulu. Wi mukookele mu liivuru a mukhankoonya, mucapunye va apontu araru wanaawiili nave muthanle va “Edição Digital.”

“Apwanne Kooreheryeya?”: Ikaaxa seiha iri waacamela wookuchulani wa liivuru sookhalano sooleeliherya sinamukhaviherya oohuserya ophwanelela olaleerya ni muloko ni opatisiwa. (Moone eruku 2.)

Inoota: Inoota sinnavahererya ikaruma seiho siniiwanana ni mwaha wammoori woochuneya. Liivuru a mukhankoonya onnaphitaanyerya a link wookuchulani wa enoota ti enoota yoowo onookhaviheryaani osuwela vachu mwaakontanyuvo. (Moone eruku 2.)