Masu a Muluku annanivaha ichu soothene nnachunaahu wi niwerye ovilela ni makacamiho oovila yaawo nnahoolelaahu mmahiku yaala ookuchula oovila okhala. (2Tim 3:1, 16, 17) Naamwiihiiha, mu ilukuluku ikina nnamuchuna nikhaviheryo na ophwanya malakiheryo a Mpiipiliyani yaawo anaphariheleya wa mukhalelo wammoori. Ntoko yootakiherya, waakhanle wi mwa tiithi apwanne munnaavya miruku wi mwaaphuwe anamwane anyu? Waakhanle wi mwa mmiravo naari mwali apwanne munnahoolela makacamiho yaawo aneeha nroromelo nanyu? Apwanne munnahooxeya nthowa na omuyeleela oothelana anyu mookhwani? Nyuwaano munahaala ophwanya sooleeliherya mu jw.org seiho sinahaala woohoolelaani mmalakiheryo a Mpiipiliyani yaawo anahaala wookhaviheryaani mmakacamiho yaala ni mmikhalelo mikina.—Masi 2:3-6.

Muye makupa a MAHUSIHERYO A PIIPILIYA. (Moone eruku 1.) Muye makupa avathi a elista, nave muthanle mwaha munachunaanyu. Naari muye mu LIBRARY > MIYAHA SOOHIYANAHIYANA nave muthanle mwaha munachunaanyu. (Moone eruku 2.) Nyuwaano munanwerya ophwanya miyaha mikina mu JW Library^®. a Munahaala osiveliwa ophwanya miyaha sincipale mmapuro yaala. Mukhalelo mukina wa ophwanya mwaha wammoori ori moorweela wa oya makupa ani search mu jw.org.

Murepe miyaha inacharela mu ekaaxa eni search, nave murepele miyaha seiho mwaahaalaanyu osiveliwa waalakhanya.

• Waaphuwa anamwane

• Wuukhuwa wa amiravo

• Omuyeleela oothelana mookhwani