Waakhanle wi nyuwaano mwa mmiravo oohipatisiwa naari munnamuhuserya Piipiliya, mpwanne mookhalano yoolakelela ya opatisiwa? Ntakhara heeni mwaahaalaanyu ochuna opatisiwa? Wiiveleela ni opatisiwa onneeriha okhalano onthamwene wa vameekhaaya ni Yehova. (Sal 91:1) Iho tho sinnakeriha woovuluxiwani. (1Ped 3:21) Muni nwerye hai waakhwaniha seiha?

Mulekecheye mukhatiinyu wi ela eparipari. Vaavaa munakhalaanyuno makoho, mpake otholathola. (Aro 12:2) Mwaavyavye matorokelo munaphwanelaanyu opaka, nave voocharela mwiilipixerye wi mwaakhwaniherye nchuno nanyu na omuhakalaliha Yehova. (Masi 27:11; Éfe 4:23, 24) Mutitelele omveka yoowo wi ookhaviheryeeni. Mukhale oolekecheya wi Yehova onamoolipihaani ni wookhaviheryaani ni ikuru sawe sa munepa waweela. (1Ped 5:10, 11) Wiilipixerya wanyu ti woochuneya. Omurumeela Yehova mukhalelo waphaama wa opharihela okumi ahu!—Sal 16:11.

MOONE EXILEMA EPHIRO ENAKERIHA WOOPATISO, VOOCHARELA MWAAKHULE MAKOHO ANACHARELA:

• Makacamiho taani akina avonthaaya wi epatisiwe?

• Mano muni nwerye hai wunnuwiha nroromelo wi mwiiveleele wa Yehova?

• Tiheeni yaaceenyenrye akina opaka yeeyo enachuneya wi epatisiwe?

• Mmukhalelo taani anaakhelaaya yaale anathanla omurumeela Yehova?

• Onataphulela eheeni wiiveleela ni opatisiwa?