Wi ekhale asinthamwene a Yehova, oohuserya a Piipiliya enaphwanela waathanla asinthamwene aphaama. (Sal 15:1, 4) Onthamwene waphaama onanwerya waavolowela awo wi epake yeeyo eri yawookololowa.—Masi 13:20; lff mwaha 48.

Vaavaa munaakhaviheryaanyu oohuserya anyu a Piipiliya osepa onthamwene woonanara, mukhale oopwacha. Akhweya onanwerya okhala woovila wa yaawo ohiya omalihaka elukuluku ni asinthamwene aya a mulaponi. Mwawiihiiha, mooniherye opwacha weeparipari wa yaawo ohiya pahiru vaavaa munahuseryaanyu. Ela enavolowela waavonyerya michaka, waalikaarela, naari waaxekurya. Vaavaa oohuserya anyu enayaaya vahoolo, munanwerya waawopa awo wi muchekule vamoha ni anna ni arokora. Voocharela awo anahaala woona wi aaphura sincipale opwaha seiho ayeleenlaaya. (Mar 10:29, 30) Nyuwaano tho munahaala ohakalala vancipale vaavaa munoonaanyu wi emusi ya Yehova ennaaceereryeya.

MOONE EXILEMA MWAAKHAVIHERYE OOHUSERYA ANYU A PIIPILIYA OSEPA ONTHAMWENE WOONANARA, NAVE VOOCHARELA MWAAKHULE MAKOHO ANACHARELA:

• Onthamwene woonanara tiheeni?—1Kor 15:33

• Ti mwawiihai Flora aanyiheryeiye mukhalelo ochekula Weekristu waahaalaaya okhala?

• Ti mwawiihai Nita aamukhavihenryeiye Flora oraceeliha onthamwene woonanara?