26 a Fevereru–3 a Marsu
SALMO 11-15
Ncipo 139 ni Nivekelo | Masu Oohulela (1 min.)
1. Mwiisaanyiherye mu Elapo Evyaani ni ya Murecele ya Muluku
(10 min.)
Ohiiwanana wa achu onnakumiherya nlala nnoonaahu olelo (Sal 11:2, 3; Sentinela, 15/5/2006, epaax. 18, epara. 2)
Nnanwerya ororomela wi Yehova moohilekela onammalihavo nlala (Sal 11:5; Sentinela, 4/2016, epaax. 11)
Wuupuwelela vooloca sa yoororomeliha ya ovuluxa wa Yehova onanwerya onikhaviherya owehererya moopixa murima elapo evyaani (Sal 13:5, 6; Mulipeleli, 08/2017, epaax. 7, epara. 15)
MWEERERYE ELA: Mmwaalakhanye Esekiyeli 34:25, nave mvirihe elukuluku mwiisaanyiheryaka muri mu nipuro na murecele nenlo nnatharihiwa mu yoorepa yeeyo.—Reino de Deus, epaax. 236, epara. 16.
2. Muhakhu Woomunepani
(10 min.)
-
Sal 14:1—Mmukhalelo taani Akristu yanwerya ovoloweliwa ni mukhalelo yoowo onatharihiwa mu eversikulu yeela? (Sentinela, 15/9/2013, ipaax. 19-20, epara. 12)
-
Muhakhu taani woomunepani wa waalakhanyiwa wa Piipiliya wa esumana yeela mwaahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Sal 13:1–14:7 (th yoohuserya 2)
4. Opaceryiha Ovaanela
(2 min.) OLALEERYA WOOHILAKELELA. Munwope muchu owo ophiya va Yawuupuxerya. (Waasivela achu, yoohuserya 5, eponto 3)
5. Opaceryiha Ovaanela
(1 min.) EMPA NI EMPA. Munwope muchu owo ophiya va Yawuupuxerya. (Waasivela achu, yoohuserya 3, eponto 4)
6. Opaceryiha Ovaanela
(3 min.) EMPA NI EMPA. Muchu owo ohooniherya nchuno ntakhara nwopelo wa Yawuupuxerya. (Waasivela achu, yoohuserya 7, eponto 4)
7. Waapaka Oohuserya
(5 min.) Mpuhe Okumi, mwaha 13, mukwasu, makoho awuuluulela ni yoolakelela. Mpharihele mwaha mmoha ori mu nikupa “Otholathola” wi mmukhaviherye oohuserya anyu a Piipiliya wiiwexexa miyoonelo sa Muluku vooloca sa malapelo atheru. (th yoohuserya 12)
Ncipo 8
8. “Miruku Sinnareera Opwaha Mavaka Akhoco”
(10 min.) Othokororya ni alipa oowiriyana.
Nlala nnamvira naaceereryeyaka mu elapo yoothene. Yehova oosuwela wi nlala nenlo nnoonaahu nnanwerya onruuhela wuukhuwa otokweene. Owo tho onniiwexexa yoothowa ahu ya ochuna okhapeleliwa. Mukhalelo mmoha wa onikhapelela ori moorweela wa Masu awe, Piipiliya.—Sal 12:5-7.
Piipiliya onnathariha miruku seiyo iri ‘sooreera opwaha mavaka akhoco.’ (Ekl 9:18) Muupuwele mukhalelo malakiheryo a Mpiipiliyani anacharela aneeraaya enikhaviherye wiikhapelela wi nihivoloweliwe ni nlala.
-
Ekl 4:9, 10—Musepe okhala meekhiinyu mmapuro oohikhapeleleya ni awoopiha
-
Mas 22:3—Mutitelele wiiwehererya wa yaawo yoorukurenryeeni
-
Mas 26:17—Muhiivoliiherye mu miyaha seiho sihinoovolowelaani
-
Mas 17:14—Mvinyevo va nipuro nenlo moona wi nlala nnahaala opacerya. Mukhale ocai ni achu yaawo anapaka nikhuuru wi yaakaahe
-
Luka 12:15—Muhirwe muhiye okumi va yawoopiha muchunaka okhapelela sookhalano sanyu
Moonihe EXILEMA Mwaatakiherye Achu a Nroromelo, Ohiya Ahirino Nroromelo—Enoki, Ohiya Lameki. Voocharela mwaakohe alipa oowiriyana:
Ti mwawiihai yootakiherya ya Enoki yaavolowenlaaya yoolakelela ni meecelo a tiithi variyari va nlala?—Ahe 11:5
Mmikhalelo mikina, Mukristu akhweya onamuchuna opaka soolakelela saphaama wi iikhapelele naari akhapelele sookhalano sawe. Wakhala wi ti hiiha, owo onahaala opaka yoothene onaweryeiye wi ahimwiiphe muchu ni okhalano nthowa na oyeeha nikhami.—Sal 51:14; moone “Makoho a Alipa Waalakhanya” mu Mulipeleli, Yulyu a 2017.
9. Mukipici wa Okawa Nwopelo Ntakhara Yawuupuserya Onahaala Opacerya Nawoorowa, 2 a Marsu
(5 min.) Opakiwe ni mutokweene a muloko. Muloce sa marehereryo apakiwe ntakhara mukipici, mwaha wa vameekhaaya ni Yawuupuxerya. Nwuupuxerye alaleeryi wi wakhala wi annachuna orumeela ntoko mapiyoneero ookhaviherya, ananwerya opaka iwora 15 mu miyeeri sa Marsu ni Apirili.
