NTAKHARA HEENI TI YOOCHUNEYA: Hiiha ntoko eneereryaaya ni ikaruma ikina, ompharihela interneti onanwerya onikhaviherya naari onipahula. Akristu akina annathanla ohipharihela ikaruma sa ovaanela mu interneti. Nave akina annapharihela ikaruma seiha wi echekule ni ahima aya vamoha ni asinthamwene. Nyenya, Musaserya onachuna wi niphariheleke ikaruma seiha moonanara, wi inanarihe omuchu ahu ni onthamwene ahu ni Yehova. Ntoko Yesu, nnanwerya opharihela malakiheryo a Masu a Muluku wi nsuwele sawoopiha ni osepa.—Luka 4:4, 8, 12.

ICHU MUNAPHWANELAANYU OSEPA:

• Opharihela ikaruma sa ovaanela mu interneti moopwaha mphimo. Omaliha elukuluku yincipale mpharihelaka ikaruma sa ovaanela mu interneti onahaala omaliha elukuluku mwaahaalaanyu opharihela ni miteko soomunepani.

  Malakiheryo a Piipiliya: Éfe 5:15, 16; Fil 1:10

• Woona ichu soohiphwanelela. Woona iruku sa achu ewanre ikuwo sookhuveya onanwerya omweeriha muchu okhalano nchuno ntokweene na woona ixilema sa achu ekonihanaka. Waalakhanya sooleeliherya sa achu oomwaryeya onanwerya onanariha nroromelo nahu.

  Malakiheryo a Piipiliya: Mat 5:28; Fil 4:8

• Ovonyerya mu interneti michaka naari iruku soohiphwanelela. Woona wi murima ahu onnatepa woototha, muchu onanwerya okhalano nchuno na ovonyerya mu interneti michaka naari iruku soohiphwanelela. Nyenya ela, enanwerya onanariha omuchu awe naari oweeriha akina okwaculiwa omunepani.

  Malakiheryo a Piipiliya: Aro 14:13; Éfe 4:29

MOONE EXILEMA MUKHALE OOVYAKA VAAVAA MUNAMPHARIHELAANYU INTERNETI, NAVE MUHUSERYE MUKHALELO WA OSEPA SAWEERERYA INACHARELA: